Kulturë

Reagon drejtori i ansamblit “Shota” Shefqet Gjocaj

Autori: Gazeta inFokus 16:52 | 30 November 2020

Drejtori i ansamblit “Shota”, Shefqet Gjocaj, ka reaguar lidhur me mënyrën e raportimit të medieve për aktivitetet e këtij ansambli, ku më 26 nëntor ka mbajtur një koncert për nder të 70 vjetorit të themelimit të tij, kurse më 28 nëntor realizuan një takim me ministren Dumoshi dhe kryeministrin Hoti, raporton Gazeta inFokus.

Gjocaj e quan jo profesional raportimin e disa medieve për këto dy ngjarje, ku një numër i medieve edhe pse kanë regjistruar takimin në MKRS, e kanë ngatërruar drejtorin Gjocaj, me kryetarin e Këshillit Drejtues të Ansamblit, Fahredin Spahija.

Gjocaj nëpërmjet një statusi ka thënë se është politikë e ansamblit “Shota” që të kenë komunikim të vazhdueshëm me mediet dhe se do të vazhdojë të jetë në dispozicion të gazetarëve e atyre që duan të raportojnë drejt e saktë për këtë ansambël.

Ansambli “Shota”, ka shënuar 70 vjetorin e themelimit më 26 nëntor, kurse më 28 nëntor kryetari i ansamblit “Shota” ka realizuar një takim me ministren e MKRS-së Vlora Dumoshi dhe kryeministrin Hoti, me ç’rast kryetari Gjocaj ka shpalosur të arriturat e ansamblit në këto 7 dekada veprimtarie.

Po këtë ditë ministrja Dumoshi, kishte hapur një ekspozitë me fotografi të ansamblit “Shota”, kurse trupa e ansamblit shfaqi edhe një program të shkurtër artistik./Gazeta inFokus/

 

Të tjera