Sport

Reagon ashpër drejtori sportiv i Dritës

Autori: Gazeta inFokus 15:05 | 22 April 2018

Drita dhe Llapi do të takohen në kuadër të javës së 28-të në Superligën e Kosovës.

Skuadra gjilanase është lider dhe ndodhet tetë pikë para Llapit që është sot nikoqire e gjilanasve.

Por pakë orë para fillimit dolën disa foto ku pretendohet për një kurdisje të ndeshjes.

-Advertisement-

Telegrafi ka kontaktuar drejtorin sportiv të Dritës, Fisnik Kërçelin i cili ka reaguar ashpër për këto spekulime.

“Tani jemi në ndeshje dhe sapo i pamë ato foto. Nuk e di se kush dhe çka përfiton nga këto montazhe”.

“Ne nuk jemi skuadër që merremi me këto punë. Kemi qenë më të mirë gjatë gjithë kampionatit dhe jemi me plot meritë në pozitën e parë”, deklaroi Kërçeli për Telegrafin.

Tutje drejtori sportiv i Dritës thotë se Llapi është rivali i tyre për titull dhe çuditet se si mendojnë opinioni sportiv se do ta lëshoj ndeshjen ndaj tyre.

“Llapi me një fitore na ofrohet në vetëm pesë pikë. Ata janë në garë për titull dhe natyrisht se nuk dëshirojnë të bëjnë kësi gjëra”.

“Kemi ardhur të luajmë futboll, dhe le të fitojë kush është më i miri. Kemi fituar edhe vitin e kaluar në Podujevë, nuk është e pamundur fitorja”.

“Po e përsërisë përsëri se nuk merremi me kësi gjëra dhe janë vetëm montazha. Le të merret drejtësia me këto dhe nëse del se janë të vërteta nuk do të merremi kurrë më me futboll”, përfundoi drejtori sportiv i Dritës, Fisnik Kërçeli.

Subscribe në YouTube: GAZETA INFOKUSI