Lajme

Reagon analisti pasi i tha Kurtit “Qëndro i fortë vëlla”: Je në modë e “in” vetëm nëse i uron fat Zelenskyt

Autori: Gazeta inFokus 15:13 | 18 August 2022

Analisti politik, Gazmir Raci, përmes një postimi i ka uruar fat kryeministrit të Kosovës, Albin Kurti, në takimin e sotëm të mbajtur me presidentin e Serbisë, Aleksandër Vuçiq, shkruan Gazeta Infokus.

Për këtë postim ai mori reagime të shumta duke thënë se analisti po i thurr elozhe kryeministrit.

-Advertisement-

E në lidhje me këtë Raci reagoi edhe me një postim tjetër në “Facebook”, duke thënë se je në modë e “in”, vetëm nëse i uron fat presidentit të Ukrainës Volodymyr Zelensky,  por jo edhe ndonjë udhëheqësit të Kosovës.

“Je në mode e “in” nese i uron fat liderit te Ukraines. Edhe bon hashtag #️⃣ e zemra, flamura. Po kurqysh sbon me i uru per mire ndonje udheheqesi te Kosoves! Edhe pse per Kosoven po flitet atje 🤔 Ne nje tavoline ku as Borrel, as Lajcak e as Vucic nuk e njohin pavaresine e Kosoves”, ka shkruar Raci në postimin e tij në Facebook.

Ndryshe, sot në Bruksel është mbajtur takimi i tretë i radhës në mes të kryeministrit të Kosovës, Albin Kurti, dhe  presidentin e Serbisë, Aleksander Vuçiq, me ndërmjetësim të Miroslav Lajçakut, i dërguari i Bashkimit Evropian (BE) për dialog dhe krye diplomatit europian Josef Borrel./Gazeta Infokus/

Subscribe në YouTube: GAZETA INFOKUSI
Etiketa:
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme