Lajme

Reagon ambasada britanike: Sulmi ndaj Berishës, i papranueshëm

Autori: Gazeta inFokus 22:22 | 06 December 2022

Ambasada e Mbretërisë së Bashkuar ka dënuar sulmin ndaj kreut të PD-së, Sali Berisha ditën e sotme.

“Dhuna s’ka vend në demokraci“, ka thënë ambasada përmes një reagimi në rrjete sociale.

Ambasada britanike deklaron se do të mbështesë gjithnjë të drejtën për protestë paqësore. Po ashtu, në reagim shtohet se sulmi ndaj kryedemokratit është një sulm i papranueshëm ndaj fjalës së lirë.

“Dhuna nuk ka vend në demokraci. Mbretëria e Bashkuar do të mbështesë gjithmonë të drejtën për protestë paqësore. Sulmi ndaj Sali Berishës është një sulm i papranueshëm ndaj fjalës së lirë. Mbretëria e Bashkuar dhe Shqipëria qëndrojnë krah për krah në mbështetjen tonë për demokracinë dhe shtetin e së drejtës“, shkruan ambasada.

Kujtojmë se sulmi ndaj Berishës është dënuar më herët nga ambasada e Shteteve të Bashkuara të Amerikës, kryeministri Edi Rama dhe nga figura të opozitës që kryesisht drejtuan gishtin nga kreu i qeverisë për incidentin.

Ndërkohë, Berisha hodhi akuza se 31 vjeçari që e sulmoi është një “agjent i policisë kriminale”.

Nga ana tjetër, drejtori i Përgjithshëm i Policisë së Shtetit, Muhamet Rrumbullaku hodhi poshtë akuzat e ish kryeministrit duke thënë se ai nuk ka qenë asnjëherë agjent i policisë.

UEFA Champions League rikthehet në Artmotion më 14 Shkurt!

Të tjera

Fokusi

lajme