Lajme

Reagon Agron Kuçi: Nuk ka asnjë veprim të kundërligjshëm, e gjitha është e orkestruar

Autori: Gazeta inFokus 11:47 | 03 November 2021

Kandidati për kryetar të komunës së Junikut nga radhët e AAK-së, Agron Kuçi ka dalur prapë me një shkrim, rreth disa zhvillimeve ditëve të fundit në këtë komunë.

Kuçi ka thënë se ditëve të fundit ai dhe familja e tij janë linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e tij politik dhe qarqe të caktuara politike.

Sipas Kuçit në krejt këto zhvillime të supozuara, nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individë.

-Advertisement-

Ndër të tjera, Kuçi ftoi qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, shumë të ndershme, të qytetëruar e demokratike, ashtu siç është në nderin, fisnikërinë dhe traditën Junikas.

Reagimi i plotë:

Të dashur bashkëqytetarë të Junikut!

Siç edhe e keni vërejtur edhe ju, ditëve të fundit unë dhe familja ime jemi linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e mi politik dhe qarqe të caktuara politike.

E kam thënë dhe e përsëris me përgjegjësi të plotë morale, juridike dhe penale qe nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individ (umiq të kampit kundërshtarë, që janë vënë fatkeqësisht në dispizicion të tyre) nga Policia e Kosovës, Sistemi Prokurorial dhe Gjyqësor, për të na përbaltosur në kohë fushate të zgjedhjeve lokale, me të vetmin qëllim; për të denigruar integritetin tim, bashkëpunëtorëve dhe të familjes sime.

Me synimin e vetëm për të marrë fitoren tonë, fitoren e qytetarëve të Junikut.

Deklarohem, se këto veprime, vetëm sa na kanë forcuar, jo vetëm mua, por gjithë simpatizantët e qytetarët bujarë të Junikut, në rrugën tonë, për të dalur triumfues, sepse fitorja nuk arrihet me shantazhe, sulme linçuese, ofendime e fushatë të ndyer!
Fushata bëhet në Junik, dhe për Junikun, ndërsa ne më së miri e njohim njëri tjetrin, ua dimë vlerat njerëzore, intelektuale, familjare e patriotike gjithësecilit prej nesh!
Qytetarët e nderuar të Junikut na njohin më së miri, më mirë se çdo kush tjetër!

Para së gjithash ne jemi bashkëvendas, do jetojmë me nder në Junikun tonë edhe pas datës 14 nëntor.

Unë ftoj qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, shumë të ndershme, të qytetëruar e demokratike, ashtu siç është në nderin, fisnikërinë dhe traditën Junikase.

Juniku para nesh!
Bashkimi jonë, do të jetë fitorja jonë 🤝

Në aleancë me qytetarët e Junikut, me besim e emër të Zotit, e me përkrahjen e junikasve, ne do të fitojmë me 14 nëntor!

Fitoren tonë, e të qytetarëve të Junikut, nuk ka shantazh që mund ta ndal.

Sinqerisht, i juaji përjetësisht
AgronKuçiJunik

Subscribe në YouTube: GAZETA INFOKUSI