Lajme

Reagimi i pronarit të Zone, për parandalimin e vrasjeve në klube të natës

Autori: Gazeta inFokus 20:58 | 06 Maj 2017

Pasi i riu Ermal Kamberaj nga Mitrovica u vra mbrëmë në vendin e tij të punës, një klub të natës në qytetka pasur reagime të shumta nga gjithë qytetarët.

Por një reagim të tillë e ka bërë edhe njëri nga pronarët e klubit më të madh të kryeqyteti, ZoneClub, Petrit Kllokoqi, i cili e ka shprehur dhimbjen e tij për Ermalin si dhe ka propozuar një zgjidhje për parandalimin e vrasjeve të tilla nëpër klube të natës.

Në profilin e tij në Facebook, Kllokoqi ka thënë se zgjidhja më e mirë për parandalimin e vrasjeve në vendet ku konsumohet alkooli do të ishte nëse njësia sekondare e policisë e bën kontrollimin e njerëzve që hyjnë brenda, për tu siguruar se askush nuk hyn brenda me armë. Sepse sipas tij, vrasja e Ermalit nuk është hera e parë që për motive të njëjta të vije deri tek vrasja.

-Advertisement-

“Ra ky rast, mirëpo ka pas edhe shumë raste të tjera, po ju drejtona policisë së Kosovës (pjesë e së cilës është edhe babai im) që njësinë sekondare ta lejojnë për punë në lokale të natës, qoftë edhe me kontribuim nga lokalet, sigurimi i lokaleve mundet me u marrë me sigurinë e klientëve, mirëpo klientët mund të kontrollohen nga policia (thjeshtë secili lokal e kish praktiku që kontrollën me kry policia e Kosovës). Kom mendu shumë për këtë punë, është e vetmja mundësi edhe formë ku kompanitë e sigurimeva me u bashku me pjesëtarë te policisë (ku polocia i kontrollon klientët para se të hyjnë në klub, ndërsa sigurimi mban rend brenda klubit)… është e vetmja mënyrë që të parandalohen këto raste edhe e humbë zakonin e mbajtjes së armës në vende ku konsumohet alkoholi” ka thënë Kllokoqi.

Ermal Kamberaj nga Shipoli i Mitrovicës mbeti i vrarë mbrëmë pas disa të shtënave me armë zjarri në njërën prej kafiterive të këtij qyteti, Ai ishte menaxher në lokalin ku mbeti i vrarë mbrëmë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy