Lajme

Reagimi i Molliqajt pas dorëheqjes së Shpend Ahmetit

Autori: Gazeta inFokus 23:19 | 07 March 2018

Ish-aktivisti i Lëvizjes Vetëvendosje, Vlorian Molliqaj, ka reaguar pas dorëheqjes nga Lëvizja Vetëvendosje të Shpend Ahmetit.

Ai shkruan se nga VV u larguan dy nga tre kryetarë komunash, gati gjysma e deputetëve e njerëz të tjerë të rëndësishëm, gjë që sipas tij do të duhej të shqetësonte këtë Lëvizje.

Ai shkruan se të pakënaqurit po ofendohen më shumë sesa është ofenduar SHIK’u ndonjëherë.

-Advertisement-

“Në shenjë pakënaqësie, nga VV deri tash u larguan 2 nga 3 kryetarë komunash, gati gjysma e deputetëve (ndër ta 7 nga 10 deputetët më të votuar), dhjetëra asamblistë e anëtarë të kryesive të qendrave, etj”, ka shkruar Molliqaj.

“E ju, në vend se të shqetësoheni dhe ta kërkoni problemin aty ku duhet, të gjithë të pakënaqurit po i ofendoni më shumë sesa i ka ofenduar ShIK-u ndonjëherë. Brenda natës të gjithë i shndërruat në tradhtarë, të shitur, të ndikuar nga ambasadat, etj. E dhimbshme që po ju shoh në këtë ditë. Por, ju po dini, ju grahni”, ka shkruar Molliqaj.

 

Subscribe në YouTube: GAZETA INFOKUSI

Të tjera

Fokusi

lajme