Lajme

Reagimi i Abdixhikut pas anulimit të takimit të dy qeverive: Kosova vazhdon rrugëtimin drejt izolimit e vetmisë

Autori: Gazeta inFokus 22:57 | 13 June 2023

Lumir Abdixhiku, kryetari i Lidhjes Demokratike të Kosovës (LDK), ka reaguar pas anulimit të takimit të përbashkët në mes dy qeverive, Kosovës dhe Shqipërisë.

Abdixhiku këtë e ka quajtur lajm të keq për të gjithë shqiptarët.

“Lajmi për anulimin e mbledhjes së përbashkët të dy qeverive është lajm i keq për shqiptarët, në Kosovë, në Shqipëri, në Luginë, Maqedoni e Mal të Zi” ka shkruar fillimisht Abdixhiku në Facebook.

-Advertisement-

Ai po ashtu ka thënë se Kosova po e vazhdon rrugën e izolimit dhe të vetmisë.

“Kosova fatkeqësisht vazhdon të rrugëtoj drejt izolimit e vetmisë. Këtë herë, si asnjëherë, mbetëm dhe pa Shqipërinë. Po mbesim dhe do të mbesim pa secilin aleat që qëndronte me ne në çdo etapë të vështirë. Kjo s’është Kosova që e kishim menduar ndonjëherë”, ka vazhduar Abdixhiku.

“Rrugëtimi i Kurtit, përplasës me perëndimin, rrezikon vet shtetësinë e Republikës. Në vend se të sillet si një Kryeministër i përgjegjshëm, një që ruan partneritetet e avancon kauzat kombëtare drejt perëndimit, ai sjellë krizë dhe izolim. Aventura e tij politike nuk mund të jetë përfaqësimi ynë popullor”, ka thënë kryetari i LDK-së.

Në fund, Abdixhiku ka deklaruar se ”Kosovës i duhen miqtë dhe partnerët strategjikë”.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme