Fokus

Rasti i të miturës në Drenas, arrest shtëpiak për doktorin

Autori: Gazeta inFokus 14:18 | 09 February 2019

Gjykata Themelore në Prishtinë ka vendosur lidhur me kërkesën e Prokurorisë Themelore në Prishtinë për caktimin e masës së arrestit shtëpiak kundër të pandehurit Fehmi Ahmeti për shkak të veprës penale ndërprerja e pa lejuar e shtatzënisë, shkruan inFokus.

Gjykata nëpërmjet një komunikate thotë se ka marrë aktvendim dhe të pandehurit F.A iu është caktuar masa e arrestit shtëpiak prej datës 07 shkurt deri më datë 06 mars.

“Ekziston dyshimi i bazuar se i pandehuri F.A me dt. 15.01.2019 në kundërshtim me Ligjin 03/L-10 për ndërprerjen e shtatzënisë, në ordinancën e tij private specialisktike-gjinekologjike ka bërë ndërprerjen e shtatzënisë ndaj të dëmtuarës A.G. Gjykata ka konstatuar se kërkesa për caktimin e arrestit shtëpiak është bërë duke pasur parasysh peshën e veprës penale, pasi që i pandehuri po të gjendet në liri, ekziston rreziku se i njëjti do të ndikoj tek dëshmitarët apo të arratiset me qëllim që ti shmanget përgjegjësisë penale”, thuhet në komunikatë.

Gjykata thotë se pala ka të drejtë ankese kundër këtij vendimi në Gjykatën e Apelit të Kosovës.

Të tjera