Lajme

Rasti i dy indianëve, sqarohet Presidenca

Autori: Gazeta inFokus 23:37 | 22 March 2019

Presidenca e Shqipërisë për herë të parë ka sqaruar se pse dy biznesmenët indianë të arrestuar për mashtrim, Nitin Jayantilal Sandesara dhe Chetankumar Jayantilal Sandesara, përfituan shtetësinë shqiptare.

Zëdhënësi i Presidentit të Republikës, Tedi Blushi, ka thënë se janë bërë verifikimet e nevojshme e prej të cilave është rezultuar se nuk ka të dhëna problematike –për dhënien e shtetësisë.

“Janë zbatuar procedurat ligjore bazuar në pikën 7, të nenit 9 të ligjit nr. 8389, datë 05.08.1998 “Për shtetësinë shqiptare” të ndryshuar, me propozimin e Ministrisë së Turizmit dhe Mjedisit, “për shkak të eksperiencës në investime dhe historikut të sipërmarrjeve të suksesshme jashtë Republikës së Shqipërisë dhe për shkak të angazhimit të tyre për realizimin e investimeve të rëndësishme elitare në vendin tonë”. Bazuar në pikën 6, të nenit 9 të ligjit për shtetësinë, janë bërë verifikimet përkatëse nga agjencia ligjzbatuese nga e cila nuk kanë rezultuar të dhëna problematike për dhënien e shtetësisë shqiptare”, ka sqaruar Blushi.

-Advertisement-

Subscribe në YouTube: GAZETA INFOKUSI

Të tjera

Fokusi

lajme