Lajme

Rashiq për takimin Kurti-Vuçiq: Do ta rrisë intensitetin e dialogut

Autori: Gazeta inFokus 14:07 | 26 Qershor 2024

Ministri për Komunitete dhe Kthim në Qeverinë e Kosovës, Nenad Rashiq nuk është optimist për arritjen e një marrëveshjeje në takimin e sotëm në Bruksel, por thekson se takimi i liderëve është një lëvizje drejt negociatave më intensive që do të çojnë në një marrëveshje përfundimtare.

“Me këtë do të duhej të fillonte intensiteti që duhet t’i japë pak më shumë dinamikë dialogut. Ka një momentum që ndoshta është dhënë për pezullimin e pjesshëm të masave të BE-së ndaj Kosovës dhe kësisoj do të përdoret qasje më optimiste për fillimin e raundit të negociatave dhe bisedimeve që mund të përfshihet, për mendimin tim, si një paketë që do të jetë gjithëpërfshirëse”, tha Rashiq në një intervistë për RTK 2.

Mënyra më e mirë për një zgjidhje kompromisi dhe normalizim të marrëdhënieve, sipas ministrit Rashiq, do të ishte sikur serbët të ishin pjesë teknike e negociatave.

-Advertisement-

Sipas tij “ky është në thelb gabimi më i madh i Brukselit”. E kur bëhet fjala për krijimin e Asociacionit, Rashiq beson se modeli i formimit të tij do të prezantohet nga ana e organizatave të huaja që punojnë si këshillëdhënëse në administratën e Brukselit.

Sipas Rashiqit “gjëja më e rëndësishme është se kryeministri Kurti ka konfirmuar se detyrimet që janë marrë përsipër, të cilat janë nënshkruar më herët, Kosova do t’i ndërmarrë sepse marrëveshjet ndërkombëtare kanë një peshë më të madhe se ligjet vendore dhe për këtë arsye ato duhet respektuar, pavarësisht se kush është kryeministër”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy