Lajme

Raporti i KE-së: Kosova asnjë përparim për mbrojtjen e ajrit

Autori: Gazeta inFokus 11:18 | 20 April 2018

U alarmua për gjendje enorme të ndotjes së ajrit në Kosovë.

E kjo zgjati vetëm disa ditë, ajri u ‘përmirësua’ e kjo temë u harrua, shkruan Infokusi.com

Por Bashkimit Evropian që i kujdesshëm që edhe këtë vit ti rikujtojë Kosovës se nuk ka arritur asnjë përmirësim në këtë aspekt.

-Advertisement-

Madje në raport thuhet se Kosova gjendet në fazën fillestare, ka shumë punë për të bërë teksa theksohet se rekomandimet që ka marrë herën e kaluar nuk janë zbatuar.

Për këtë vit kërkohet ngritje e cilësisë së ajrit kujt dhe menaxhim të mbeturinave.

Nuk u harrua as ndëshkimi për ndotësit, duke u cilësuar si mënyra e vetme për rritjen e përgjegjësisë.

‘Kosova gjendet në fazën fillestare të përgatitjes për mbrojtjen e mjedisit dhe ndryshimet klimatike. Ende nuk është arritur asnjë përparim në këtë drejtim dhe problemet klimatike po vazhdojnë të ndikojnë në jetën e shëndetin e banorëve. Mbrojtja e mjedisit kërkon më tepër gatishmëri politike për të trajtuar problemet në rritje’, thuhet në Raportin e Progresit.

Ndërsa theks të veçantë i është dhënë pikave në të cilat Kosova duhet të punojë.

‘Kosova nuk ka zbatuar rekomandimet që ka marrë më herët andaj duhet të punoj në këto pika.
-Të ndërmarrë masa për ngritjen e cilësisë së ajrit dhe të ujit
-Të krijojë sisteme për cilësi të ajrit, të kontrollojë ujin dhe ujërat nëntokësore
-Të rrisë kapacitetin për grumbullimin e mbeturinave shtëpiake
-Të zbatohet ligji mbi përgjegjësinë mjedisore, dëmtimin dhe krimin. Ndotësi paguan për të rritur përgjegjësinë për mbrojtjen e mjedisit.
-Të zbatohet strategjia për përshtatjen e ndryshimeve klimatike në përputhje me kornizën e BE 2030 për politikat e klimës dhe energjisë’, thuhet në këtë raport.

Në fillim të kësaj jave kryetari i Kosovës Hashim Thaçi ka pranuar Raportin e Progresit të Komisionit Europian nga shefja e Zyrës së BE-së në Kosovë, Natalyia Apostolova./INFOKUSI

Subscribe në YouTube: GAZETA INFOKUSI
Etiketa:

Të tjera

Fokusi

lajme