Lajme

Raporti i DASH, LDK: Rasti i Martin Berishajt e vërteton korrupsionin

Autori: Gazeta inFokus 16:19 | 21 March 2023

Anëtari i Kryesisë së LDK-së, Xhafer Tahiri ka thënë se në raportin e djeshëm të Departamentit Amerikan të Shetit konstatohet korrupsioni serioz në Qeverinë Kurti.

Ai ka përmendur rastin e ambasadorit Martin Berishaj, për të cilin siç ka potencuar, vërtetohet korrupsioni qeveritar dhe pandëshkueshmëria për të korruptuarit brenda institucioneve qeveritare.

“Institucionet amerikane në raportin e tyre vjetor për gjendjen për të drejtat e njeriut në Kosovë, raportuan dje se gjendja kronike e korrupsionit në Kosovë ende po vazhdon. Me këtë qeveri, nuk ka ndryshuar asgjë në fushën e korrupsionit. Ky raport ka dy gjetje tepër të rëndësishme për sa i takon gjendjes në lidhje me korrupsionin dhe dhunën në familje dhe dhunën ndaj grave. Raporti i Departamentit Amerikan të Shtetit konstaton se ka korrupsion serioz në institucionet qeveritare të Republikës së Kosovës. Po ashtu, raporti konstaton se ka mungesë të ndëshkueshmërisë për të korruptuarit brenda institucioneve qeveritare. Le të mos harrojmë se premtimi kryesor i kësaj qeverie ka qenë zhbërja e korrupsionit në institucionet e Kosovës, megjithatë, raporti i miqve amerikan vërteton një gjendje të kundërt nga ky premtim”, ka thënë Tahiri për KosovaPress.

-Advertisement-

Sipas tij, në raport alarmante është edhe dhuna në familje dhe ndaj grave. Tahiri ka shtuar se qeveria në këtë aspekt ka dështuar të adresojë këtë problematikë dhe të ofrojë mbrojtjen e duhur ndaj grave.

Departamenti Amerikan i Shtetit ka publikuar dje raportin vjetor për Kosovën, në mes tjerash aty si problematika janë përmendur korrupsioni serioz qeveritar dhe dhuna mbi bazën gjinore./KP/

Subscribe në YouTube: GAZETA INFOKUSI

Të tjera

Fokusi

lajme