Lajme

Ramushit i gufon pasuria

Autori: Gazeta inFokus 15:35 | 12 June 2018

Kryeministri i Kosovës, Ramush Haradinaj vitin e kaluar gati ishte milioner, ndërsa tani duket se është bërë i tillë, shkruan Gazeta Fokus.

Haradinaj në formularët e deklarimit të pasurisë për vitin 2017 kishte deklaruar patundshmëri në vlerë prej 874 mijë euro ndërsa tani ka 944 mijë euro.

Pasurisë së tij ia ka shtuar edhe një banesë 213 metra katrorë, të cilën deklaron se e ka blerë vetëm 70 mijë euro, shkruan Gazeta Fokus.

-Advertisement-

Përveç kësaj i pari i Qeverisë e ka deklaruar një shtëpi banimi prej 950 metra katror, të cilën e ka të lëshuar me qira, që vlen 300 mijë euro, shtëpinë familjare-kulla që vlen 270 mijë euro, tokë kodrinore në vlerë prej 75 mijë euro, tokë-truall që vlen 27 mijë euro dhe shtëpi banimi 500 metra katrorë që vlen 202 mijë euro.

Haradinaj vjet kishte të hyra prej 141 mijë euro, duke e përfshirë pagën nga Kuvendit, pensionet, qiranë e shtëpisë, të hyrat e bashkëshortes, e pagën nga partia që ai drejton. Ndërsa sivjet ka 121 mijë euro në vit, pasi që siç ka deklaruar, ai ka hequr dorë nga paga në Aleancën për Ardhmërinë e Kosovës./Gazeta Fokus/