Lajme

Ramush Haradinaj i kërkon Shefit të BE’së në Kosovë liberalizimin e vizave

Autori: Gazeta inFokus 17:20 | 20 February 2021

Kreu i Aleancës për Ardhmërinë e Kosovës, Ramush Haradinaj gjatë ditës së shtunë, është takuar me Shefin e zyrës së Bashkimit Evropian në Kosovë, Tomáš Szunyog.

Haradinaj ka treguar se gjatë këtij takimi ka kërkuar nga Szunyog, mbështetjen e tij dhe të BE-së për liberalizimin e vizave, shkruan Gazeta inFokus.

“Prita sot Shefin e Zyrës së Bashkimit Evropian dhe Përfaqësuesin Special të BE-së në Kosovë, Tomáš Szunyog.

Ambasadori Szunyog vlerësoi lart procesin zgjedhor në të cilin kaloi vendi ynë.

Duke shprehur qëndrimet e mia dhe të Aleancës, vlerësova zgjedhjet e 14 shkurtit si fitore për demokracinë, zgjedhje që i kanë dhënë Kosovës një avantazh si në planin e brendshëm ashtu edhe në atë ndërkombëtar.

Kërkova nga ambasadori mbështetjen e tij dhe të BE-së, në sfidat të cilat e presin vendin tonë, liberalizimi i vizave, integrimet euroatlantike dhe marrëveshja për njohje të ndërsjellë mes Kosovës dhe Serbisë”, ka shkruar Haradinaj./Gazeta Infokus/

Të tjera