Lajme

Ramiz Lladrovcit nuk i del mirë matematika

Autori: Gazeta inFokus 11:40 | 18 Maj 2020

Kryetari i Komunës së Drenasit, Ramiz Lladrovci kishte planifikuar të shpenzonte gati gjysmë milioni euro për ti pastruar objektet shkollore dhe administratës.

Por, krejt ndryshe i doli rezultati kur u hap tenderi dhe u përzgjodh kompania e cila do ta kryej punën, shkruan gazeta inFokus.

Komuna e Drenasit, ka njoftuar që ka nënshkruan një kontratë për “Mirëmbajtje dhe pastrim të objekteve të gjimnazit “Skënderberu”, SMTH “Fehmi Lladrovci” dhe objekteve të administratës komunale”.

-Advertisement-

Por, ajo çka bie në sy, në këtë tender është vlera e lartë të cliën e kishte parashikuar për këto shërbime komuna që udhëhiqet nga Ramiz Lladrovci, shkruan gazeta inFokus.

Në fakt, ajo që kishte parashikuar komuna e Drenasit për të harxhuar për këto punë është për afër 130 mijë euro më shumë se sa ajo që kërkoi kompania fituese.

Komuna e Ramiz Lladrovcit planifikoi për këtoi punë 312 mijë e 600 euro, ndërsa Grupi i Operatorëve Ekonomik: “Erik” dhe “Schafberger JR.GMBH”, kanë kërkuar 183 mijë e 584 euro.

Ndërsa në total për këtë tender aplikuan 9 grupe të operatorëve ekonomik, e çmimi më i larti që u ofrua ishte 272 mijë e 541 euro, shkruan gazeta inFokus.

Edhe kjo shifër 40 mijë euro më pak se parashikimi i komunës së Drenasit./Gazeta inFokus/