Lajme

Ramiz Kelmendi porosi biznesmenëve: Në vitin 2024 mos ofroni paga më poshtë se 700 euro

Autori: Gazeta inFokus 23:40 | 14 December 2022

Sipërmarrësi Ramiz Kelmendi thotë se për punëtorët është rritur kostoja e jetesës përfshirë edhe ajo e udhëtimit.

Ai ka thënë se bisedat e vazhdueshme për pritjen e vizës po e ulin efikasitetin në punë.

“Të gjithë biznesmenët përfshirë edhe mua, në vitin 2024 nuk duhet të hyjnë me pagë nën 700 euro. Ky është një realitet i dëshiruar që ne biznesmenët duhet të gjejmë që të rinjtë të mos largohen”, ka deklaruar Kelmendi në rtv Dukagjini.

-Advertisement-

Afaristi thotë se punëtorët që po presin viza nuk dëshirojnë të avancohen tutje duke dëmtuar edhe veten edhe kompaninë ku punon.

Kelmendi thotë se shumë prej ministrave janë profesorë universitarë dhe sipas tij ata kanë faj që nuk kanë nisur iniciativa për ndërlidhjen e tregut të punës me profesionin.

Ai thotë se shteti në Kosovë nuk i mbështetë as moralisht bizneset, për dallim nga shtetet tjera të rajonin.

“Unë jam pronar i një biznesi që paguaj me miliarda tatime dhe më duhet të prej radhë në aeroport, por një dizajnere e modës nuk pret fare sepse ka pasaportë diplomatike. Të gjithë në biznesmenët nuk duhet të presim në radhë sepse koha për ne është shumë e kushtueshme. Jo pse ne jemi mbi të tjerët, por pritja jonë ka shumë më tepër kosto se e qytetarëve të thjeshtë”, ka deklaruar Kelmendi, transmeton Telegrafi.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme