Lajme

Ramiz Kelmendi: Nuk u besoj Institucioneve të Kosovës

Autori: Gazeta inFokus 16:00 | 20 March 2018

Deputeti i Kuvendit të Kosovës nga radhët e LDK-së, Ramzi Kelmendi nuk u beson Institucioneve të rendit andaj edhe nuk ka raportuar kërcënimin që iu bë ati dhe familjes së tij.

Kështu është shprehur vet Kelmendi në një prononcim dhënë ‘Infokusit’

‘Jo nuk kam besim në institucionet e rendit në Kosovë edhe nëse raportoj, prandaj është më së mirit që të i kanë dërguar ata njerëz tu thonë që nuk është më tradhti nëse demarkacioni por është patriotizëm nëse votohet që do ta ma lehtëson shumë”, ka thënë Kelmendi.

-Advertisement-

Deputeti i LDK-së ka shtuar gjithashtu së kërcënimin e ka marrë fizikisht përmes palës së tretë.
’Nuk mund të jap informacione te tipit të tillë sepse ato kalojnë në mosmarrëveshje personale dhe unë nuk kam siguri qe dikush mundet me mbrojte prandaj edhe po hezitoj te shkoj në polici të deklarojë diçka çka më thotë dikush në katër sy”, ka thënë ai.

Kelmendi ka përmendur edhe rastin e sulmit fizikë që iu bë muaj më parë drejtorit të Postës dhe Telekomit të Kosovës, Agron Mustafës.

“Kur një drejtor i një ndërmarrje publike rrihet në qendër të qytetit dhe nuk e shohin policia dhe thonë se nuk dihet nëse është rrahë apo jo, e lë më për çështje politike që është shumë më madhore’, ka përfunduar ai.

Deputeti i LDK-së , Ramiz Kelmendi sot ka deklaruar se është kundër demarkacionit ndërsa nuk do të merr fare pjesë në seancën e sotme të Kuvendit të Kosovës për arsye shëndetësore.

Ai gjithashtu ka deklaruar se familja e tij është kërcënuar pas deklarimit të tij rreth demarkacionit.
Për pak minuta pritet të mbahet seanca e jashtëzakonshme e Kuvendit të Kosovës në të cilën pritet të bëhet votimi i demarkacionit. Kjo seancë ka dështuar të mbahet tri herë radhazi./INFOKUSI

Subscribe në YouTube: GAZETA INFOKUSI