Lajme

Rama sulmon Leonardo DiCaprio: U bë i gjallë për të sharë qeverinë por…

Autori: Gazeta inFokus 12:51 | 13 June 2022

Vendi ynë është mësuar me retorikën sulmuese që përdorin politikanët për kundërshtarët, megjithatë ajo e kryeministrit Edi Rama sot i ka kaluar kufijtë shqiptarë.

Gjatë nënshkrimit të marrëveshjes me organizatën globale mjedisore “Patagonia”për ta shpallur Vjosën Park Kombëtar, Rama sulmoi aktorin hollivudjan Leonardo Di Caprio, ndërsa deklaroi se ai u bë i gjallë vetëm për të goditur qeverinë, ndërkohë që nuk reagon tani që sipas tij qeveria merr një vendim në përputhje me kauzën që ylli i kinemasë mbronte.

Ai shtoi me ironi se ndoshta duke e sharë pak, mund t’i vejë ndonjë fjalë në vesh dhe ta bëj të reagojë.

-Advertisement-

“Leonardo Di Caprion u bë i gjallë për të goditur qeverinë, por nuk u bë i gjallë për ta mbrojtur qeverinë. Tani që qeveria po bën atë që atij i kishin thënë që nuk kishim ndërmend ta bënim, por që ndërkohë po e bëjmë.

E ka shok të mirë Ministrja e Turizmit, prandaj nuk po i bie më shumë. Mbase këto goditje do t’i shkojnë në vesh, pasi mund ta kishim lajmëruar dhe nuk do t’i vente në vesh fare. Mbase duke e sharë pak do t’ia kapi veshi”, tha Rama.

Subscribe në YouTube: GAZETA INFOKUSI