Lajme

Rama: Serbia po bën manovra teatrale ushtarake në veri të Kosovës, janë zgjuar si nga varri disa fantazma të luftës

Autori: Gazeta inFokus 10:55 | 27 September 2021

Kryeministri i Shqipërisë, Edi Rama, ka folur pas takimit që pati me të parin e ekzekutivit, Albin Kurtit në vizitën e tij të parë në Kosovës pasi mori mandatin.

Rama ka komentuar edhe situatën e tensionuar në veri të vendit për të cilën ka thënë se Serbia po bën teatër me manovrat ushtarake në kufirin me Kosovën

“Mbi të gjitha është Serbia që duhet ta njohë këtë realitet të pakthyeshëm dhe është vërtet për të ardhur keq që në vend të përparimit konkret të dialogut drejt njohjes reciprokë dhe lirimit përfundimtar nga e shkuara sot jemi dëshmitar të manovrave teatrale ushtarake të Serbisë në kufirin me shtetin sovran të Kosovës. Ato manovra nuk mbrojnë në fakt qytetarët serbë në veriun e Kosovës sikundër pretendohet nga udhëheqja e Beogradit zyrtar edhe nga disa fantazma të ushtrisë së mundur më shumë se 20 vjet më parë që sikur kanë dalë nga varri me pretendimin që sikur po mbrohet integriteti dhe siguria e qytetarëve serbë në Kosovë.

-Advertisement-

Ai ka thënë po ashtu se serbët e Kosovës jetojnë të pa kërcënuar nga askush dhe se si në asnjë vend tjetër të botës atyre u paguhet edhe energjia elektrike.

“Në fakt qytetarët serbë në Kosovë jetojnë të pa kërcënuar nga askush madje iu paguhen edhe faturat e energjisë elektrike nga qeveria e këtij shteti ketë si askujt askund jo vetëm në Ballkan por edhe në botë”, ka thënë Rama./Gazeta Infokus/

Subscribe në YouTube: GAZETA INFOKUSI