Lajme

Rama publikon draftin e bashkëqeverisjes: Ja çfarë përmban

Autori: Gazeta inFokus 09:51 | 10 July 2017

Kryeministri Edi Rama ka publikuar këtë të hënë një dradft të parë të platformës së tij për të bashkëqeverisur vendin në shtator, përmes udhëzimeve dhe sugjerimeve të qytetarëve.

Përmes një postimi në profiling e tij në rrjetin social, Rama ka bërë public faqen “Shqëria Që Duam.al” ku çdo qytetar është i lirë t’i bashkëangjitet qeverisjes përmes kritikave dhe sugjerimeve të tij.

Më poshtë linku si dhe postimi i Ramës:

-Advertisement-

Ja cfarë shkruhet ne kete faqe interneti:

“Shqipëria që duam” është një platformë e hapur komunikimi e ndërveprimi me qytetarët që do të shërbejë për t’ju dëgjuar në kohë reale për çështje të aktualitetit politik e qeverisës; për të diskutuar me ju reforma e masa të rëndësishme dhe mundësuar ndikimin tuaj mbi politikat qeverisëse në çdo sektor e mbi punën e çdo ministrie apo institucioni të varësisë; për të luftuar së bashku korrupsionin, evidentuar tepsixhinjtë apo parazitët e çdo niveli, duke i goditur me zero tolerancë e nxitur zgjidhjen e ndershme të problemeve komunitare apo vetjake të kujtdo prej jush.

Qeveria e re do të jetë në një koalicion real me njerëzit e zakonshëm që së bashku të rrëzojmë sa të mundim, muret qorre e shurdhe të godinave të shtetit, që nga bulevardi i Tiranës deri në çdo skaj të vendit. Shqipëria që duam është mbi të majtën e mbi të djathtën. Shteti që duam është i qytetarëve, jo i pushtetarëve. Sfidat e Shqipërisë sot, nuk janë sfida socialiste apo sfida demokrate, por janë sfida shqiptare. Të vetëdijshëm për barrën e madhe të përgjegjësisë që na u besua, qeveria e re do të bashkëqeverisë me njerëzit e zakoshëm të këtij vendi në një përpjekje shqiptare, të përbashkët, për ta bërë Shqipërinë më të mirë.

Subscribe në YouTube: GAZETA INFOKUSI