Lajme

Rama pas aksidentit me 46 të vdekur në Bullgari: Shumë dhimbje e trishtim

Autori: Gazeta inFokus 11:39 | 23 November 2021

Kryetari i zgjedhur i Prishtinës, Përparim Rama ka reaguar pas aksidentit tragjik në Bullgari, ku humbën jetën 46 persona, shtetas të Maqedonisë së Veriut dhe u lënduan shtatë të tjerë.

Rama tha se lajmin për aksidentin fatal në Bullgari e ka trishtuar.

Ai u ka shprehur ngushëllime familjarëve dhe të afërmve të viktimave.

-Advertisement-

“Shumë dhimbje e trishtim! Lajmi për humbjen tragjike të 46 jetëve në aksidentin fatal në Bullgari, na trishtoi e na dha dhimbje të thellë. U shpreh ngushëllimet më të sinqerta familjeve dhe të afërmve të viktimave”, ka shkruar ai në një postim në “Facebook”.

Ndryshe, aksidenti tragjik ku mbetën të vdekur 46 persona dhe 7 të lënduar, ka ndodhur në orët e para të mëngjesit të sotëm në Bullgari.

Ende nuk dihen shkaqet që kanë çuar deri te ky aksident.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme