Lajme

Rama i ofroi 4 ministra? Basha: Pazare peshku, PD s’pranon!

Autori: Gazeta inFokus 12:30 | 26 April 2017

Pas dështimit të negociatave me zyrtarët e BE, ka regjuar për herë të parë kryeopozitari Lulzim Basha. Gjatë fjalës së tij në “çadrën e lirisë” Basha komentoi ofertën e Ramës për 4 poste ministrash teknik në qeveri.

Basha pranoi publikisht se i është propozuar 4 ministra teknikë në qeveri, “pushimin” e Denar Bibës, si dhe shkarkimin e disa zyrtarëve të policisë, por duke shtuar se PD dhe aletat sdo ta pranojnë këtë ofertë.

“Dje Rama e bëri të qartë se është gati të dorëzojë ministrat e tij, kreun e KQZ, zyrtarë në polici, por nuk është gati të dorëzojë karrigen e tij. Ca problemi ka ‘merr e jep, jap e merr’, këtu e kanë mendjen. Këtu funksionon pazari i peshkut të qelbur nga koka.

-Advertisement-

Kjo është ëndërra e një nate vere e Ramës dhe Metës që nuk do bëhet kurrë realitet. PD, unë dhe aleatët tanë jemi të vendosur të qëndrojmë fuqimisht dhe vendosmërisht përkrah qytetarëve dhe protestuesve deri në plotësimin e kërkesave që populli ka shtruar për zgjidhje”, -tha Basha.

Subscribe në YouTube: GAZETA INFOKUSI