Lajme

Rama ndërmjetësues në mes Hardinaj dhe Erdogan

Autori: Gazeta inFokus 19:04 | 04 April 2018

ë martën, kryeministri i Shqipërisë Edi Rama u takua me presidentin e Kosovës, Hashim Thaçi, që kishte mbërritur në Tiranë në një vizitë të beftë dhe jozyrtare.

Ky takim u zhvillua në ambiente informale dhe u raportua se temë ishin tensionet mes Kosovës dhe Turqisë pas deportimit të gjashtë shtetasve turq, të akuzuar si terroristë nga Erdogan.

Por, kryeministri Edi Rama mohoi se atij i është kërkuar që të ndërmjetësojë tek presidenti turk.

-Advertisement-

“Prodhojmë më shumë histori seç mund të tresim! E gjithë kjo ishte një histori e prodhuar që është më shumë se ç’mund të tpresim. Kur vjen puna për teoritë e konspiracionit..s’po e them atë fjalën turke (kazan), se pastaj mërziteni ju!”, u përgjigj kryeministri Edi Rama pyetjes së Top Channel.

Thaçi ka marrëdhënie të mira me presidentin turk Erdogan dhe si president i Kosovës i cilësoi personat e deportuar në Turqi si njerëz të përfshirë në aktivitete antiligjore, duke mbrojtur kështu dorëzimin e tyre pranë autoriteteve turke.

Kundër këtij veprimi ka dalë hapur kryeministri i Kosovës, Ramush Haradinaj, i cili shkarkoi ministrin e Brendshëm dhe kreun e Shërbimit Informativ, pasi nuk e kishin vënë atë në dijeni. Kjo e çoi në një përplasje ballore me presidentin turk, i cili në dy deklarata publike e ka kërcënuar se do të jepte llogari se përse mbështet gylenistët.

Në këtë mes, Edi Rama është ai që ka marrëdhënie të mira me të tre, Thaçin, Haradinajn dhe Erdoganin, duke u përpjekur kështu të rikthejë paqen jo vetëm mes dy aleatëve në Prishtinë, por edhe mes Kosovës dhe Turqisë.

Rama u takua pak ditë më parë me Erdogan në Stamboll.