Lajme

​Rama me tjetër letër për Macron dhe Scholz, flet për raportet me Kurtin

Autori: Gazeta inFokus 14:21 | 23 June 2023

Gjatë konferencës për media që është duke e mbajtur në Tiranë, kryeministri i Shqipërisë, Edi Rama, deklaroi se i ka dërguar një tjetë letër presidentit francez Emmanuel Macron dhe kancelarit gjerman Olaf Scholz.

Ai tha se në letrën e dytë ka theksuar se i ka kërkuar dy liderëve evropianë që plani franko-gjerman të zbatohet me patjetër.

Rama u shpreh se nuk ka asnjë problem me kryeministrin Albin Kurti dhe madje të gjithë mund të habiten sa mirë kalojnë mirëpo shtoi se kanë dallim të mëdha konceptuale.

-Advertisement-

Sipas tij, nuk është aspak situatë e mirë kur Kurtit i mbyllen të gjitha dyert nga homologët evropianë.

Kryeministri shqiptar u shpreh se skenarët për izolimin e Kosovës dhe Serbisë nuk janë të mira për rajonin dhe se kjo situatë i shkon për shtati vetëm Rusisë.

Rama u shpreh se përplasja mes Kosovës dhe Serbisë do të ishte fatale për gjithçka që është arritur deri tani.

Sipas tij, nga përplasjet e vazhdueshme në Ballkanin Perëndimor nuk përfiton askush, ndërsa shtoi se rajoni nuk është as i Kurtit dhe as i Vuçiqit.

Subscribe në YouTube: GAZETA INFOKUSI
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme