Lajme

Rama ia kthen Mustafës: S’të kam quajtur tinëzak

Autori: Gazeta inFokus 07:35 | 03 March 2020

Kryeministri i Shqipërisë, Edi Rama, i ka kthyer një përgjigje kryetarit të LDK-së Isa Mustafa i cili tha se Rama e cilësoi si “politikan tinëzak” në një intervistë televizive.

Rama përmes një postimi në Twitter e ka mohuar një gjë të tillë.

Ai iu drejtua Isa Mustafës duke i thënë se ka rënë pre e lajmeve me tituj të deformuar, derisa shtoi se nuk e ka quajtur dhe as s’e ka menduar ta quaj ‘tinëzak’.

-Advertisement-

Kryeministri shqiptar ka shkruar po ashtu se nuk ka deklaruar se është folur për “Mini-Shengenin” në kuadër të Procesit të Berlinit, derisa i ka thënë Mustafës se është i saktë kur thotë se është pajtuar për “hapësirën e përbashkët ekonomike të vendeve të Ballkanit Perëndimor”.

Kryetari i LDK-së, Isa Mustafa, përmes një postimi në Facebook tha se kryeministri i Shqipërisë Edi Rama e quajti ‘politikan tinëzak’.

Ai sqaroi se gjatë kohës sa ishte kryeministër nuk ka biseduar as me kryeministrin shqiptar dhe as me të tjerët për idenë e të ashtuquajturit Mini-Shengen – duke pretenduar se kështu ka deklaruar Edi Rama.

Subscribe në YouTube: GAZETA INFOKUSI