Lajme

Rama i reagon Vuçiqit: Kjo është kulmi – e papranueshme, e dënueshme

Autori: Gazeta inFokus 15:34 | 02 October 2023

Kryeministri i Shqipërisë, Edi Rama e ka cilësuar të papranueshme shpalljen e ditës së zisë në Serbi për tre terroristët e vrarë në veri të Kosovës.

Sipas tij, është e papranueshme që të shpallet zi kombëtare për terroristët serbë, ndërsa shtoi se ky akt i shteti serb duhet dënuar.

Këto komente, kryeministri shqiptar i bëri gjatë një konference për media në Zagreb, ku u takua me homologun e tij kroat, Andrej Plenkoviq.

-Advertisement-

“Nuk është e pranueshme që në mes të Europës e në mes të një rajoni ku gjithë vendet kanë shprehur vullnetin që të bëhen anëtarë të Bashkimit Europian, një grup kriminal i armatosur deri në dhëmbë, ushtarakisht me uniforma ilegale t’i marrë jetën një efektivi policie dhe pastaj t’i gëzohet nderit më të lartë që mund të ekzistojë, zisë kombëtare në vendin nga ku e ka origjinën. Kjo është kulmi, e papranueshme, e pajustifikueshme dhe e dënueshme”, u shpreh Rama.

Qeveria serbe shpalli datën 27 shtator, ditë zie kombëtare për vrasjen e katër terroristëve, të cilët sulmuan me armë policinë e Kosovës.

Vendimi u mor nga qeveria e Republikës së Serbisë gjatë një mbledhje të jashtëzakonshme të martën, 2 ditë pas ngjarjes.

Subscribe në YouTube: GAZETA INFOKUSI
Etiketa:
BLACK FRIDAY ME ZBRITJE DERI 70%
-Advertisement-

Të tjera

Fokusi

lajme