Lajme

Rama i reagon sërish qeverisë: I keni ndalë punimet në sheshin “Xhorxh Bush” mbi diçka që ligjërisht nuk ekziston

Autori: Gazeta inFokus 16:14 | 01 Maj 2025

Kryetari i Prishtinës, Përparim Rama ka reaguar sërish për punimet që po bëhen në sheshin “Xhorxh Bush”, e ku këto punime janë ndaluar dy herë nga Inspektorati i Trashëgimisë Kulturore.

Rama thotë se punimet janë ndaluar mbi diçka që ligjërisht nuk ekziston.

” S’ka kufi të miratuar, as koordinata! S’ka perimetër të shpallur në Geoportal! S’ka regjistrim në Kadastër! S’ka publikim në Gazetën Zyrtare! Siç e paska pohuar publikisht edhe ish-ministrja Dumoshi, në vitin 2020, sa ishte ministre e MKRS-së, ka dhënë pëlqimin për mbrojtje dhe përfshirje në listën e trashëgimisë, por IKMM dhe QRTK asnjëherë nuk e kanë përmbyllur procedurën ligjore për regjistrim dhe përcaktim të perimetrit – siç kërkon neni 4.6 i Ligjit Nr. 02/L-88″, ka pohuar Rama.

-Advertisement-

Më tej, ai ka parashtruar edhe disa pyetje.

‘Ne, po vazhdojmë me insistu në pyetjet: Ku është vendimi që ka hyrë në fuqi?Pse nuk është regjistruar në Kadastër? Pse nuk janë publikuar hartat zyrtare? Kush mban përgjegjësi që e ka dërguar inspektoratin dhe policinë për ndalim të punimeve pa pasur bazë ligjore”, ka deklaruar ai.

Rama thekson se “punën në Kryeqytet nuk mundeni me i ndal me draft-raporte”.

 

 

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy