Lajme

Rahoveci formon komision për vlerësimin e dëmeve nga reshjet e shiut

Autori: Gazeta inFokus 11:31 | 08 March 2018

Kryetari i Komunës së Rahovecit, Smajl Latifi, duke u bazuar nga situatën e krijuar në terren pas reshjeve të shiut, me datë 5 Mars ka nënshkruar vendimin për formimin e komisionit për “Vlerësimin e dëmeve të shkaktuara nga fatkeqësia natyrore-vërshimet e shiut”.

Në një komunikatë dërguar mediave ftohen qytetarët që të njoftojnë organet lokale lidhur me dëmet nga këto vërshime, përcjell KosovaPress.

“Njoftohen qytetarët të cilët kanë pasur vërshime dhe deri më tani nuk i kanë njoftuar organet komunale të paraqiten tek zyrat e komisionit. Ju njoftojmë se zyrat e komisionit, gjenden në objektin e vjetër të Komunës, në katin e dytë tek Drejtoria për Bujqësi, Pylltari dhe Zhvillim Rural, përkatësisht tek kryetari i komisionit, Nisret Shala”, thuhet në këtë komunikatë.

-Advertisement-

Subscribe në YouTube: GAZETA INFOKUSI