Lajme

Rahovec, mbahet dëgjimi për kërkesat e nevojat mbi buxhetin e vitit 2025

Autori: Gazeta inFokus 12:43 | 06 Gusht 2024

Komuna e Rahovecit ka njoftuar se cikli i dëgjimeve buxhetore ka vazhduar me përfaqësuesit e OJQ-ve, bizneseve, fermerëve, rinisë, përfaqësues të shkollave dhe grupet e interesit, në sallën e kuvendit komunal, për t’i mbledhur kërkesat dhe nevojat mbi buxhetin e vitit 2025.

Sipas njoftimit për të siguruar që buxheti t’i reflektojë nevojat dhe prioritetet e qytetarëve, është thelbësore pjesëmarrja aktive e tyre në këtë cikël.

“Dëgjimin e moderoi shefi i kabinetit të kryetarit, Ali Morina. Kryetari Komunës, Smajl Latifi, paraqiti informacionet kyçe lidhur me planifikimin dhe menaxhimin e buxhetit të komunës, si dhe drejtori i financave, Afrim Limani shpalosi në mënyrë më të detajuar buxhetin e Komunës së Rahovecit për vitin 2025”, thuhet në njoftim

-Advertisement-

Buxheti i Komunës së Rahovecit për vitin 2025 do të jetë në vlerë 20.982.000 euro.

Kërkesat që u parashtruan ishin: Një lagje të mbillet me hardhi të rrushit dhe të emërtohet “Lagje e hardhisë”; Ndërtimi i një parku te Rrasat; Rregullimi i murit te varrezat e serbëve.

Në vazhdën e debatit pati edhe biseda interaktive të përgjithshme rreth kërkesave të ndryshme.

Komuna e Rahovecit ka njoftuar se grupi punues do t’i shqyrtojë pyetjet dhe kërkesat.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy