Kryetari i Partisë Demokratike Shqiptare, Ragmi Mustafa, ka komentuar idenë e korrigjimit të kufijve.

“Ne jemi shumë të sinqertë në këtë fushë dhe në këtë drejtim, pa dyshim se mbështesim bashkëngjitjen e Luginës së Preshevës me Kosovën”.

“Në lidhje me lëvizje të kufijve ka autoritete dhe politikanë të mençur Republika e Kosovës prandaj ftesa jonë është çdo ditë që të kyçen pozitë dhe opozitë në Kosovë që të bëjnë ekipin negociator për të dhënë kontributin maksimal me njerëzit më të mençur, të dijes, të shkencës dhe të penës për të zgjidhur këtë problem”.

-Advertisement-

“Çfarë do të jetë zgjidhja ne nuk do të propozojmë, këtu është arbitri Bashkimi Evropian dhe Shtetet e Bashkuara të Amerikës të cilët ndihmojnë dhe lehtësojnë zgjidhjen e këtij problemi”.

“Shqiptarët e Luginës, jo më pak se 100 mijë, nuk mund të jemi më të shkathët dhe më afër zgjidhjes së problemit dhe dhënies së formulave se si duhet zgjidhet”.

Mustafa në Info Magazine të Klan Kosovës ka deklaruar se shqiptarët e Luginës duan të jenë pjesë e Kosovës dhe se për këtë nuk nevojitet Referendum, sipas tij.

“Shqiptarët e Luginës së Preshevës po shprehin gatishmërinë e tyre të shkëputen nga Serbia, po shprehin gatishmërinë e tyre të mos jenë në Serbi”.

“Mund të kishim edhe rastin më eklatant ku shqiptarët do të thonin se mirë jemi në Serbi – kjo është gjëja më e keqe dhe e rëndë që mund t’i ndodhte shqiptarëve”.

“Nuk ke asnjë shqiptar në Luginën e Preshevës që do të mbetet në Serbi ndërkohë në trekëndëshin që ndodhemi ne kufizohemi edhe me Maqedoninë dhe aty ke një numër të shqiptarëve që janë shtet formues të shtetit të Maqedonisë, që janë në Qeveri dhe mund të jenë shumë shpejt edhe në Presidencë të Maqedonisë”.

“Në këtë drejtim, nuk ka kërkuar askush të jetë pjesë e Maqedonisë, edhepse një pjesë e Luginës së Preshevës, para Luftës së Dytë Botërore, ka qenë pjesë e Shkupit”.

“Me kënaqësinë më të madhe, shqiptarët e Luginës së Preshevës kërkojnë bashkëngjiten me Kosovën dhe është anakronike të bëhet referendum që të pyeten se a janë shqiptarët e Luginës për bashkëngjitje me Kosovën. Ne kemi bërë këtë referendum në vitin 1992, në kohën më të vështirë, ne tash vetëm po kërkojmë jetësimin e atij referendumi që e kemi kërkuar gjithmonë”.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-