Lajme

Radikalët dhe të moderuarit garojnë për drejtimin e ekstremit të djathtë

Autori: Gazeta inFokus 11:59 | 02 December 2017

Ekstremi i djathtë gjerman do të zgjedhë sot dhe nesër një kryesi të re me shpresën për të përfituar nga vështirësitë politike të Angela Merkel, gjatë një kongresi që do të jetë shënjestra e shumë manifestimeve kryesisht të majta.

Alternativa për Gjermaninë (AfD) shkaktoi një tërmet politik gjatë zgjedhjeve legjislative të 24 shtatorit duke hyrë në dhomën e deputetëve me 12,6 për qind të votave.Ajo aty numëron 92 përfaqësues, një situatë që nuk ka ndodhur asnjëherë që prej Luftës së Dytë Botërore për një formacion politik të kësaj natyre. E fortë nga ky sukses, AfD-ja, gjithashtu e pranishme në 14 nga 16 parlamentet rajonale, mbledh këtë fundjavë rreth 600 delegatë në Hanover, në veri të vendit.

Objektivi është që të përcaktohen drejtuesit e rinj dhe të pajisen me një udhërrëfyes për t’u pozicionuar si kundërshtari kryesor i Angela Merkel. Prej dy muajsh, formacioni po gëzon nga vështirësitë që kancerlarja, pas 12 vitesh në krye të vendit, doli shumë e dobësuar nga legjislativet. Kampi i saj konservator arriti t’i fitojë zgjedhjet, por me rezultatin më të ulët të pas luftës. Merkel vazhdon të jetë duke kërkuar të krijojë një shumicë qeveritare në një peizazh politik të copëzuar.

-Advertisement-

Subscribe në YouTube: GAZETA INFOKUSI