Lajme

Raci: Në vend të Borellit dhe Lajçakut dialogun duhet ta ndërmjetësojnë Franca dhe Gjermania

Autori: Gazeta inFokus 21:43 | 14 September 2023

Opinionisti Gazmir Raci ka thënë se shefi i Politikës së Jashtme të BE-së, Josep Borrell, dhe emisari i BE-së për dialogun, Miroslav Lajçak, nuk janë të drejtë me qasje ndaj Kosovës karshi Serbisë.

Në Rubikon të Klan Kosovës, ai ka deklaruar se Franca dhe Gjermania do të duhej të jenë ndërmjetësit në dialog, e jo Borrell dhe Lajçak.

“Këta ndërmjetës kanë marrë disa vërejtje shumë të rëndësishme nga disa shtete evropiane për qasje të njëanshme ndaj Kosovës. E dimë që Serbia është shkelësja më e madhe e marrëveshjeve të dialogut, duhet ta themi të gjithë në publik”.

-Advertisement-

“Duhet me i pyet të dy diplomatët që janë në dialog si atë spanjoll dhe sllovak, a kanë problem me Kosovën si shtet i pavarur dhe sovran? A ku është problemi tjetër? E pash Lajçak, kur ka qenë ministër i Jashtëm i Sllovakisë midis Beogradit pati thënë se kurrë nuk do ta njohë pavarësinë e Kosovës”.

“Problemi është tek ndërmjetësit, bëj ftesë që këtë proces me marrë dikush tjetër ta drejtojë. Unë propozoj që dialogun duhet ta ndërmjetësojë Franca dhe Gjermania sepse janë garantues të planit franko-gjerman”, ka thënë Raci.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme