Fokus

Raci jep detaje çfarë do të ndodhë në takimin Kurti-Vuçiq: Serbia do të detyrohet të bëjë këtë hap

Autori: Gazeta inFokus 11:24 | 27 February 2023

Analisti politik, Gazmir Raci, para takimit në mes të kryeministrit Albin Kurti dhe presidentit serb, Aleksadër Vuçiq ka thënë se me marrëveshjen që pritet të nënshkruhet sot do të mbyllet përgjithmonë çështja e integritetit territorial të Republikës së Kosovës, shkruan Gazeta Infokus.

Ai po ashtu në një prononcim për Gazetën Infokus ka thënë se prej sot Serbia do të detyrohet që të njoh dhe të pranoj simbolet e Republikës së Kosovës, derisa do të jetësohet motoja e festimeve të 15 vjetorit të pavarësisë “Kosova shtet për jetë”.

“Duke qenë se dialogu kishte degraduar nga ai për fuqizimin e shtetit të Kosovës, kufijve, sovranitetit dhe subjektivitetit ndërkombëtar të Kosovës në një dialog “Pazar” territoresh. Me marrëveshjen që pitet të arrihet sot mbyllet përgjithmonë çështja e integritetit territorial të Republikës së Kosovës. Jetësohet moto e festimeve të 15 vjetorit të pavarësisë, “Kosova shtet për jetë”. Njohja de-facto në mes të dy shteteve arrin kulmin. Nga sot e tutje, përveç tjerash, Serbia detyrohet të njoh dhe pranoj simbolet shtetërore të Republikës së Kosovës. Zyrat ndërlidhëse kthehen në Përfaqësi të shteteve respektive, sipas Konventës së Vjenës dhe Kosovës i hapet rruga për anëtarësim në organizata ndërkombëtare. Interpoli, UNESCO, Këshilli i Evropës, etj, do të jetësohen shumë shpejt, sidomos tash kur pozicioni ndërkombëtar rus është në nivelin më të ulët historik.”, ka thënë Raci për Infokus.

Ndryshe ka bërë të ditur se arritja kryesore në këtë drejtim është zhbllokimi i procesit

“Arritja kryesore në këtë drejtim është zhbllokimi i procesit. Që nga viti 2016 në dialogun e Brukselit nuk ka pasur asnjë zhvillim pozitiv, vetëm degradim dhe acarim të raporteve. Me këtë rast Republika e Kosovës dhe njeherë po jep kontributin e saj për paqen dhe stabilitetin në rajon, duke u ridëshmuar partner i rëndësishëm i SHBA-ve dhe partnerëve perëndimor në Ballkan”, ka thënë mes të tjerash Raci.

Ndryshe sot kryeministri Albin Kurti dhe presidenti serb Aleksadër Vuciq pritet të zhvillojnë takimin e tyre të përbashkët me fillim nga ora 17:15./Gazeta Infokus/

Këto janë karakteristikat e propozimit evropian për të cilin takohen sot Kurti e Vuçiq

Vip Card e Petrol Company ofron tri herë zbritje

Të tjera

Fokusi

fokus