Lajme

Qytetarët i përgjigjen thirrjes për kursim, bie konsumimi i energjisë

Autori: Ermirë Berisha 16:15 | 22 November 2022

Agjencia e Statistikave të Kosovës, ka publikuar të dhënat e prodhimit të energjisë dhe konsumimit gjatë muajit shtator 2022, shkruan Gazeta inFokus.

Bazuar në statistikat e publikuara nga ASK, konsumimi i energjisë këtë vit është shumë më i vogël në krahasim me muajin shtator të vitit 2021, 6.1% më i vogël.

Sipas ASK-së, prodhimet energjisë në muajin shtator kanë qenë 460.04 GWh, prodhimet bruto nga hidrocentralet 9.03 GWh dhe prodhimet nga era dhe ajo solare energjisë elektrike ka qenë 35.75 GWh.

-Advertisement-

Ndërsa energjia elektrike në dispozicion ka qenë 454.54 GWh dhe konsumi ka qenë 314.96 GWh.

“Agjencia e Statistikave të Kosovës (ASK), publikon të dhënat për prodhimin dhe konsumin e thëngjillit, prodhimin dhe konsumin e energjisë, importin dhe eksportin e energjisë, si dhe importin dhe eksportin e energjentëve të tjerë. Ky publikim statistikor paraqet të dhëna statistikore për muajin shtator të vitit 2022.

Në muajin shtator të vitit 2022, prodhimi bruto nga termocentralet i energjisë elektrike ishte 460.04 GWh, prodhimi bruto nga hidrocentralet e energjisë elektrike ishte 9.03 GWh. Dhe prodhimi bruto nga era dhe ajo solare e energjisë elektrike ishte 35.75 GWh.

Gjatë muajit shtator të vitit 2022, energjia elektrike bruto në dispozicion ishte 454.52 GWh, kurse konsumi i energjisë elektrike ishte 314.96 GWh, ose 6.1% më i vogël me muajin e njëjtë të vitit paraprak. Pjesëmarrja e energjisë elektrike alternative në kuadër të konsumit të përgjithshëm ishte 14.22%.

Ndërkaq, importi i energjisë elektrike në shtator të vitit 2022 ishte 273.26 GWh, kurse eksporti i energjisë elektrike në të njëjtën periudhë ishte 323.55 GWh (këtu është i përfshirë edhe transmisioni).

Prodhimi i thëngjillit ishte rreth 8.44 mijë ton, ose 57.22% më shumë sesa në muajin e njëjtë të vitit paraprak”, thuhet në komunikatën e dërguar për media nga ASK-ja. /Gazeta inFokus/

Subscribe në YouTube: GAZETA INFOKUSI