Lajme

Quni thotë se dy deputetë të LDK-së ‘‘janë në fokus të veçantë’’ të VV’së: Format e presionit janë të ndryshme

Autori: Gazeta inFokus 12:01 | 27 Maj 2025

Deputeti i Lidhjes Demokratike të Kosovës (LDK), Anton Quni, ka deklaruar se dy deputetë të kësaj partie janë bërë objekt i një “fokusi të veçantë” nga Lëvizja Vetëvendosje, përmes kontakteve të drejtpërdrejta dhe ndërmjetësuesve të afërt me këtë subjekt politik.

Sipas Qunit, këtyre deputetëve po u bëhet presion në forma të ndryshme, përfshirë edhe oferta që lidhen me përfitime për bizneset familjare.

“Kontaktohemi nga zyrtarë të VV-së dhe nga ndërmjetësuesit e tyre. Dy deputetë të LDK-së janë në fokus të veçantë të interesimit të autoriteteve të Vetëvendosjes. Mbetet në diskrecionin e tyre nëse duan të dalin publikisht. Ne i kemi njohuritë, informatat dhe përmbajtjen e bisedave,” ka deklaruar Quni.

-Advertisement-

Megjithatë, ai theksoi se të dy deputetët në fjalë janë të qëndrueshëm dhe të vendosur të mbështesin linjën politike të LDK-së, pavarësisht presioneve.

“Janë shumë stabil dhe do t’i përmbahen qëndrimeve të partisë. Format e presionit janë të ndryshme, përfshirë edhe oferta për benefite për bizneset e tyre familjare,” shtoi ai.

LDK-ja vazhdon të mbajë qëndrim kritik ndaj përpjekjeve të Vetëvendosjes për të siguruar shumicën parlamentare për konstituimin e institucioneve. /Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy