Lajme

QUINT-i pas takimit me Kurtin: I propozuam që kryetarët ta ushtrojnë detyrën jashtë objekteve komunale në veri

Autori: Gazeta inFokus 18:06 | 29 May 2023

Pas tensioneve që filluan në orët e fundit në Zveçan dhe komunat tjera në veri të vendit, shtetet anëtare të QUINT-it u takuan me kryeministrin Albin Kurti. Ambasadori i SHBA-së Jeffrey Hovenier para mediave ka dënuar dëmtimin e makinave të KFOR-it dhe Policisë së Kosovës me grafite nacionaliste e dëme materiale.

Hovenier ka deklaruar se sot patën një propozim që të ketë dakordim për të uljen e tensioneve në pjesën veriore të Republikës së Kosovës.

“Pati dakordim se situata duhet të de-eskalohet por nuk di nëse mund të them se ka pajtim se si do të ndodh ky de-eskalim. SHBA beson, po flas edhe për kolegët, që nuk është e nevojshme që kryetarët e zgjedhur në veri të dalin në punë domosdosshmërisht çdo ditë. Në fakt, në afat të shkurtë, ne rekomandojmë që të mos ndodh kështu”.

-Advertisement-

“Ashtu si qeveria mundi që ata të merrnin betimet e tyre në ndërtesa të tjera autoritare, për të shmangur konfliktin dhe perceptimin e rritjes së tensioneve, ne gjithashtu mendojmë se kjo është mënyra e duhur që ata të punojnë [larg objekteve komunale]”, deklaroi Hovenier.

Ai po ashtu dënoi edhe sulmin ndaj disa mediave gjatë raportimit nga veriu i Kosovës.

“Jemi të shqetësuar për dhunën drejt pronave zyrtare, kemi parë foto me grafite kundrejt makinave të KFOR-it dhe policisë, kemi dëgjuar për sulme kundrejt gazetarëve. Kolegët nga Bashkimi Evropian tashmë kanë lëshuar një komunikatë lidhur me këtë, ne po ashtu e dënojmë këtë”- deklaroi Hovenier.

Tutje, Hovenier shtoi se përkrahin të drejtën për protestë paqësore.

“Protesta paqësore është e drejtë për një shoqëri demokratike. Ne përkrahim të drejtën e secilit qytetar të protestojë paqësisht. Kërcënimi i njerëzve dhe shkatërrimi i pronave nuk është e pranueshme”- shtoi ai.

Lajmi duke u përditësuar..

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera

Fokusi

lajme