Lajme

QSUT rekord ndërhyrjesh kardiokirurgjike gjatë vitit 2017

Autori: Gazeta inFokus 17:24 | 07 January 2018

Shërbimi i Kardiokirurgjisë pranë Qendrës Spitalore Universitare Nënë Tereza për herë të parë ka realizuar në harkun kohor të një viti numrin rekord të 804 ndërhyrjeve kardiokirurgjike, duke e vendosur këtë klinikë në nivelin e dytë në vendet e Ballkanit Perëndimor për nga numri i rasteve të operuara, volumi i punës dhe tipologjia e intervenimeve.

Ministrja e Shëndetësisë dhe Mbrojtjes Sociale së Shqipërisë, Ogerta Manastirliu ka publikuar një video në Facebook ku tregohen arritjet e shërbimit të Kardiokirurgjisë gjatë vitit të shkuar.

“Instrumentet e rinj kirurgjikalë kanë ulur ndjeshëm infeksionet spitalore, dhe Shërbimi Kardiokirurgjisë në QSUT shënon një rekord të rëndësishëm në rajon. Një duartrokitje ekipit të mjekëve tanë”, shkruan ministrja Manastirliu.

-Advertisement-

Rezultatet jashtëzakonisht pozitive të arritura me një vdekshmëri 0.6 për qind e vendosin këtë klinikë në nivelin e parë në të gjithë rajonin e Ballkanit.

Vlen për t’u përmendur një ulje e konsiderueshme e incidencës së infeksioneve spitalore gjë që është në funksion të sterilizimit të instrumenteve të reja kirurgjikale të materialeve të konsumit mono-uzo, të cilat përdoren në sallën e operacionit si dhe të sterilizimit të sallave të operacionit në tërësi.

Subscribe në YouTube: GAZETA INFOKUSI