Lajme

QKUK: 172 gra u operuan nga kanceri i gjirit

Autori: Gazeta inFokus 10:58 | 02 November 2023

Shërbimi Spitalor Klinik dhe Universitar i Kosovës ka njoftuar se është rritur numri i operacioneve të karcinomës së gjirit, në kuadër të Klinikës së Kirurgjisë Torakale, në QKUK.

“Bazuar në statistikat e kësaj klinike, vetëm këtë vit, deri më tani, janë kryer 172 operacione të karcinomës së gjirit, kurse tërë vitin 2022, ishin kryer 149 raste”, thuhet në njoftim.

ShSKUK shton se pacientet që kanë nevojë për operacion pas karcinomës së gjirit, nuk kanë nevojë të shkojnë për trajtim jashtë vendit, ngase klinika ka numër të mjaftueshëm dhe profesional të mjekëve dhe stafit që kryejnë të gjitha llojet e operacioneve të gjirit.

-Advertisement-

“Për operacion, pas karcinomës së gjirit, nuk ka listë të pritjes dhe të gjitha gratë që kanë nevojë për operacion trajtohen me prioritet nga mjekët e klinikës”, thuhet në njoftim.

Subscribe në YouTube: GAZETA INFOKUSI