Lajme

Qeveria s`mund ta zbatojë në tërësi pakon emergjente pa miratim nga Kuvendi

Autori: Gazeta inFokus 07:48 | 03 April 2020

Pakoja emergjente fiskale e miratuar ditë më parë nga Qeveria në detyrë, nuk mund të zbatohet në tërësi pa marrë disa aprovime nga ana e Kuvendit.

Për implementimin e saj Qeveria duhet të kërkojë aprovim nga Kuvendi për tejkalim të kufizimeve që vijnë nga Ligji për menaxhimin e financave publike dhe përgjegjësive (LMFPP), shkruan KOHA.

Përveç lejimit të rritjes së përkohshme të kufirit të deficitit buxhetor, Qeveria duhet që të kërkojë nga Kuvendi ndryshimin e nivelit minimal të bilancit bankar, si dhe aprovimin që Qeveria të nënshkruajë kredimarrjen para miratimit të vendimit nga Kuvendi.

-Advertisement-

Sipas zëvendësministrit të Financave, Agim Krasniqi, disa nga masat mund të implementohen pa marrë miratimin nga ana e Kuvendit. Por, ai nuk ka sqaruar saktësisht se cila nga 13 masat e prezantuara në pako do të mund të implementohet pa një aprovim të tillë.

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera