Lajme

Qeveria s’di çfarë të bëjë me produktet e Serbisë dhe Bosnjës që mbetën të pazhdoganuara para taksës

Autori: Gazeta inFokus 13:53 | 11 January 2019

Qeveria e Kosovës nuk e di se çfarë do të bëjë me produktet të cilat kanë mbetur të pa zhdoganuara, para kohës së marrjes së vendimit për vendosje të taksës 100 përqind për produktet e Serbisë dhe Bosnjës.

Në mungesë të ministrit të MTI-së Endrit Shala, kryeministri Haradinaj ka lexuar propozim-vendimin i cili tha se ditën kur është marr vendim për masën 100 përqind ndaj Serbisë ka pasur mallra të importuara nga Serbia dhe BeH të cilat kanë qenë të pa doganuara.

Mirëpo, kundër këtij propozimi ka qenë Ministri i Drejtësisë Abelard Tahiri, i cili ka kundërshtuar këtë propozim-vendim. Ai tha se ky është një vendim politik, dhe duhet mbetur si i tillë.

-Advertisement-

Fatmir Limaj, zëvendëskryeministër, ka kërkuar të mësohet se sa është vlera e atij malli të pa zhdoganuar.

Ndërsa, ministri i Financave Bedri Hamza, për sasinë dhe llojin e mallrave të pa zhdoganuar nuk ka pasur në këtë mbledhje informata, por premtoi se mund t’i sigurojë për një mbledhje të ardhshme.

Derisa sa të sigurohen edhe këto të dhëna, kryeministri ka shtyrë këtë propozim- vendim të MTI-së deri në një mbledhje të tjetër të Qeverisë.

E në mbledhjen e sotme është miratuar gjithashtu propozim -vendimin për t’i propozuar Kuvendit të Kosovës zgjatjen e ndarjeve buxhetore për muajin shkurt të vitit 2019 të përcaktuara me ligjin e buxhetit të vitit 2018.

Lidhur me buxhetin e vitit 2019, kryeministri Ramush Haradinaj theksoi se pas pushimit të deputetëve, Kuvendi në një seancë do ta miratojë buxhetin e vitit 2019. /Gazeta inFokus

Subscribe në YouTube: GAZETA INFOKUSI

Të tjera

Fokusi

lajme