Lajme

Qeveria po punon për zhbllokimin e CEFTA, çfarë po paralajmëron zëdhënësi i Kurtit?

Autori: Gazeta inFokus 19:30 | 20 September 2024

Zëdhënësi i Qeverisë së Kosovës, Përparim Kryeziu tha Qeveria e Kosovës po punon drejt zhbllokimit të CEFTA-s si mekanizëm i rëndësishëm në zbatimin e Tregut të Përbashkët Rajonal ashtu që të sigurohet përfaqësim direkt dhe barazi mes palëve.

Ai tha se Kosova është mbështetëse aktive e bashkëpunimit rajonal dhe kontribuuese në thellimin e integrimit ekonomik përmes Tregut të Përbashkët Rajonal në kuadër të Procesit të Berlinit, bazuar në parimin e barazisë, reciprocitetit dhe në vlerat dhe rregullat e Bashkimit Evropian.

“Në drekën e ftuar dje nga Presidentja e Komisionit Evropian, Ursula von der Leyen, kryeministri Kurti ka shprehur angazhimin e tij dhe të Qeverisë së Republikës së Kosovës për marrëveshje të reja në kuadër të këtij procesi, dhe në të njëjtën kohë theksoi rëndësinë e zbatimit të plotë të katër marrëveshjeve të mobilitetet të nënshkruara në Berlin dhe Tiranë”, tha ai për RTK.

-Advertisement-

Kryeziu tha se muajin e ardhshëm në Berlin shënohet 10-vjetori i Procesit të Berlinit dhe se Kosova, si anëtare pro-aktive e këtij procesi, është angazhuar dhe ka kontribuar që në këtë samit të ketë rezultate konkrete sikurse miratimi i Planit të Ri të Veprimit për Tregun e Përbashkët Rajonal, dhe rezultate të reja në fushën e arsimit, investimeve të huaja dhe Agjendën e Gjelbër.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy