Lajme

Qeveria ndërmerr një hap konkret për themelimin e Fondit Sovran

Autori: Gazeta inFokus 19:18 | 17 January 2022

Qeveria e Kosovës gjatë ditës së sotme ka pranuar draftin përfundimtar të Koncept Dokumentit për Themelimin e Fondit Sovran, shkruan Paparaci.

Kështu ka bërë të ditur, përmes një shkrimi në Facebook Besnik Pula, anëtar i Grupit Punues për Themelimin e Fondit Sovran.

Pula ka shkruar se koncept dokumenti do të bëhet publik pas shqyrtimit dhe miratimit nga Komiteti Ekzekutiv i Qeverisë së Kosovës.

-Advertisement-

Në bazë të planit të Qeverisë, Fondi Sovran do t’i marrë nën pronësi asetet strategjike të Kosovës dhe do ta ketë përgjegjësinë ekskluzive për investimet në rritjen e vlerës së Trepçës, KEK-ut, Telekomit dhe Postës.

Postimi i plotë:

Sot, në emër të Grupit Punues për Themelimin e Fondit Sovran, pata nderin dhe kënaqësinë e veçantë që në Qeverinë e Republikës së Kosovës ta dorëzoj draftin përfundimtar të Koncept Dokumentit për Themelimin e Fondit Sovran të Republikës së Kosovës.

Ky dokument përben bazën konceptuale dhe strategjike për themelimin e Fondit Sovran, përfshirë konceptin dhe hapat për vendosjen e bazës ligjore dhe institucionale të Fondit. Ai është produkt i një pune të gjerë dhe sistematike të Grupit Punues me përbërje nga Arta Hoxha, Edison Jakurti, Emanuel Bajra dhe Tea Blakaj Hoxha dhe të koordinuar nga unë.

Me këtë rast dua të falemnderoj të gjithë anëtarët e Grupit Punues, të cilët pa kursim dhanë një kontribut të veçantë profesional në ndërtimin dhe elaborimin e konceptit dhe në hartimin e dokumentit në fjalë. Dokumenti është në kuptimin e plotë të fjalës rezultat i një pune të përbashkët.

Duhet theksuar se ky është vetëm hapi i parë në rrugën drejt themelimit të Fondit Sovran. Qeverinë e presin punë të shumta dhe të mëdha. Besoj se fjas në emër të të gjithë anëtarëve të Grupit Punues që mbesim të gatshëm dhe të përkushtuar që ta mbështesim këtë proces deri në fund.

Për informim të drejtë: publikimi i Koncept Dokumentit në fjalë nuk është në autoritetin e Grupit Punues. Sipas procedurave të parapara, ai bëhet publik pas shqyrtimit dhe miratimit nga Komiteti Ekzekutiv i Qeverisë së Kosovës.

Subscribe në YouTube: GAZETA INFOKUSI

Të tjera

Fokusi

lajme