Lajme

Qeveria maqedonase nis procedurën për heqjen e shtetësisë së oligarkut ukrainas

Autori: Gazeta inFokus 21:31 | 23 November 2022

Qeveria e Maqedonisë së Veriut ka nisur të mërkurën procedurën për heqjen e shtetësisë maqedonase për oligarkun ukrainas, Oleksandr Onyshenko.

Vendimi u mor pas raportimit të drejtorit të Agjencisë së Sigurisë Kombëtare, Viktor Dimovski, në mbledhjen e Qeverisë, lidhur vendimin e këtij institucioni për ta pajisur Onyshenkon me shtetësi.

Drejtori i Agjencisë maqedonase të Sigurisë, Viktor Dimovski, ka thënë më 18 nëntor se janë bërë “lëshime të sigurisë” kur është marrë një vendim i tillë.

-Advertisement-

“Faza e fundit e verifikimit, konsultimi me partnerët e NATO-s, nuk është bërë, dhe është faji i një individi”, tha Dimovski para Komisionit parlamentar që ndjek punën e Agjencisë së Sigurisë Kombëtare.

Onyshenko, oligark kontrovers ukrainas, është pajisur me shtetësi maqedonase në mbledhjen e Qeverisë, më 31 maj 2022, bazuar në “dosjen e pastër”.

Por, ai kërkohet nga Kievi për shpëlarje parash dhe pasurim nga biznesi i gazit.

Ai është futur edhe në listën e zezë amerikane, për shkak se ka qenë pjesë e një rrjeti rus që dyshohet se ka ndërhyrë në zgjedhjet e Shteteve të Bashkuara.

Onyshenko ka edhe shtetësi ruse.

Ai ka qenë deputet në Parlamentin e Ukrainës në vitin 2012, ndërsa pas ndërrimit të Qeverisë në vitin 2014, është bërë partner biznesi me presidentin e atëhershëm, Petro Poroshenko, deri në vitin 2016, kur Komisioni ukrainas kundër korrupsionit pati hapur lëndë kundër tij.

Për pasojë, Onyshenko është arratisur në Spanjë.

Autoritetet spanjolle patën vendosur për ekstradimin e tij bazuar në fletarrestin ndërkombëtar nga Kievi, por Onyshenko më pas ka arritur të ekstradohet në Gjermani.

Më 2020, Gjermania ka refuzuar kërkesën e Ukrainës për ekstradim.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme