Qeveria ka planifikuar t’ua marrë dividendën, KEK-u ka plane, KOSTT-i ishte në krizë për vete
Autori: Gazeta inFokus 15:57 | 14 August 2021
Janë disa ndërmarrje publike në Kosovë, por vetëm dy nga to janë obliguar me ligj që ta derdhin dividendën në Thesarin e shtetit. Nuk bëhet fjalë për Trepçën që e ka epitetin e gjigandit metalurgjik, as për PTK-në, por për Korporatën Energjetike të Kosovës dhe për Operatorin e Sistemit, Transmisionit dhe Tregut të energjisë elektrike të Kosovës – KOSTT, shkruan Gazeta Infokus.
Me Ligjin e rishikuar për ndarjet buxhetore të vitit 2021 është përcaktuar edhe afati se kur këto dy kompani duhet ta kryejnë detyrimin ndaj shtetit.
“Me qëllim të financimit të nevojave buxhetore, Qeveria është e autorizuar të kërkojë shpërndarjen e dividendes nga KOSTT dhe KEK në përputhje me shumën e parashikimet në tabelën 1 të këtij ligji. Ndarja e dividendes…, transferohet dhe derdhet në llogarinë e vetme të Thesarit më së largu deri në gjashtëdhjetë (60) ditë pas hyrjes në fuqi të këtij ligji”, thuhet në ligj.
Ndonëse ligji është publikuar në Gazetën Zyrtare me 6 gusht dhe prej asaj dite është në fuqi, në KEK nuk kanë asnjë informatë apo kërkesë për ndarjen e dividendës.
Kështu të paktën ka thënë zëdhënësi i KEK-ut, Skënder Bucolli. Bile, sipas tij, KEK-u ende nuk ka planifikuar që të ndaj dividendë për aksionarin, me këtë rast për Qeverinë.
“Ne nuk kemi asnjë informatë apo kërkesë zyrtare për ndarje të dividentës nga KEK-u. Për më tepër ju bëjmë me dije se përkundër konsolidimit të pozitës financiare, Korporata Energjetike e Kosovës ende nuk ka planifikuar të ndaj dividendë për Aksionarin, për shkak të planeve për zgjerim dhe për rritjen e stabilitetit të prodhimit të energjisë elektrike, si obligime që burojnë nga Strategjia për energji e Qeverisë së Republikës së Kosovës”, ka deklaruar Bucolli për Infokus.
Aktualisht në KEK, siç thotë ai, është vetëm ky dokument dhe nuk ka një kërkesë tjetër apo qëndrim tjetër zyrtar, “i cili normalisht do të bëhej publik pas mbledhjes me aksionarin, e cila sipas Ligjit për Ndërmarrjet Publike mbahet çdo vit”.
“Përndryshe në përmbushje të obligimeve ligjore, KEK-u në arkën e shtetit derdh mbi 45 milionë € në vit. Më konkretisht për vitin 2020 janë ndarë 46.42 milionë €, pa përfshirë taksat e zakonshme”, ka bërë të ditur Bucolli.
Ndryshe nga KEK-u, një përgjigje rreth detyrimit ligjor për ndarjen e dividendës nuk e ka kthyer KOSTT-i, ndonëse pyetjet i janë dërguar qysh para tre ditësh.
Ajo që dihet është se KOSTT, në pranverë të këtij viti i ka kërkuar 11 milionë euro nga Qeveria e Kosovës për mbulimin e shpenzimeve të rrymës në katër komunat serbe në veri të Kosovës. Se a ka arritur të mëkëmbet financiarisht kjo kompani brenda kësaj kohe është pikëpyetje e madhe.
E paqartë ka mbetur çështja se pse këtyre dy kompanive publike ende nuk u është bërë zyrtarisht kërkesa për derdhjen e dividentës në Thesar. Gazeta Infokus është në pritje të një përgjigjeje nga Ministria e Financave. /Gazeta Infokus/
Të tjera
-
BQK: Dërgesat e mërgatës deri në shkurt arritën në mbi 174 milionë euro
Rreth 88 milionë euro është vlera preliminare e dërgesave të mërgatës që janë...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Abdixhiku për tenderët njëburimor: Prokuroria Speciale duhet ta bëjë punën e vet, mosveprimi është aprovim i kësaj praktike
Kryetari i LDK’së, Lumir Abdixhiku, ka thënë se një kompani ka marrë tender s...
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...
-
“Dimal Basha, ulu!”, Konjufca i reagon deputetit të Vetëvendosjes që e pengoi deputeten e LDK-së në foltore
Derisa në foltoren e Kuvendit të Kosovës po fliste deputetja e LDK-së, Doarsa...
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...
-
E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes
Zëdhënësi i Lëvizjes Vetëvendosje, Arlind Manxhuka, i ka reaguar Raportueses ...
-
“Vajzat e gratë në hapësirat e UP-së nuk janë të sigurta”, vendosen jastëk para Rektoratit të UP’së
Organizata “QIKA” ka vendosur disa jastëk para Rektoratit të Universitetit të...
-
Seanca për tenderët “sekretë”, Rrustemi i VV-së: Qeveria Kurti s’ka ministra të korruptuar
Deputeti i Lëvizjes Vetëvendosje, Adnan Rrustemi ka thënë se në kontratat një...
-
Ish-kancelari gjerman ofrohet si ndërmjetës për t’i dhënë fund luftës Ukrainë-Rusi: Ja sesi mund ta bind Putin-in
Ish-kancelari gjerman Gerhard Schroeder është ofruar si ndërmjetës për t’i dh...