Lajme

Qeveria ka mundur t’i fus 400 milionë në ekonomi

Autori: Gazeta inFokus 21:42 | 27 November 2020

Ish ministri i financave të Kosovës, Besnik Bislimi, e ka kritikuar qeverinë Hoti për menaxhimin e pandemisë dhe situatën ekonomike të krijuar në vend.

Bislmi ka thënë në emisionin “Ekonomia n’Fokus”, se qeveria e udhëhequr nga Avdullah Hoti, ka mundur të investojë 400 milionë euro në ekonomi, por që nuk e ka bërë.

“Qeveria ka mundur ti fus 400 milionë, sepse i ka të miratuara në buxhet. Ne kur kemi qenë në qeveri i kemi futë mjetet ashtu qysh na kemi menduar se është më mirë, është mirë kur politikën e implementon ai që e ideon, sepse ai që e ideon e din prapavijën dhe secilën masë, nuk mundem me i thënë unë Hotit që bëje kështu, sepse ai implementon masën që nuk ia din logjikën”, ka thënë Bislimi.

Sipas ish-ministri të financave, Hoti ka bërë veprime në bazë të klaneve që është më i afërt, por nuk ka menduar njësojë për të gjithë qytetarët.
Bislimi vlerëson se kjo qeveri nuk do të mundet asnjëherë ta stabilizojë situatën me pandeminë.

“Unë mendoj se këta kurrë nuk kanë me stabilizu pandeminë, kjo mund të ndodhë vetëm kur vjen vaksina. Aq kohë sa durojmë këtë qeveri kemi me pas këtë situatë”, u shpreh ai./Gazeta inFokus/

Të tjera