Qeveria gjermane reagon për Specialen pasi opozita e akuzoi për bashkëpunim me Thaçin
Autori: Gazeta inFokus 12:50 | 24 January 2021
Reagimi i Qeverisë gjermane për Specialen pasi opozita e akuzoi për bashkëpunim me Thaçin.
Gjermania mbështet dhe ndihmon punën e Zyrës së Prokurorit të Specializuar të Kosovës për Krime Lufte, është shkruar në përgjigjen e Qeverisë gjermane ndaj një hetimi parlamentar të deputetëve për këtë çështje. E majta opozitare kritikon se ekzekutivi i ka toleruar krimet për vite me rradhë.
Berlini zyrtar i kushton “rëndësi të madhe” Prokurorisë Speciale, e cila merret me krimet që sipas tyre i kanë kryer disa nga pjesëtarët e Ushtrisë Çlirimtare të Kosovës (UÇK).
“Nga perspektiva e Qeverisë Federale, sqarimi i krimeve të luftës dhe shkeljeve të të drejtave të njeriut luan një rol qendror në procesin e pajtimit”, tha qeveria gjermane në përgjigje të një hetimi parlamentar nga e majta opozitare, Deutsche Welle ka qasje ekskluzive në këtë dokument.
“Korrupsioni dhe krimi i organizuar vazhdojnë të jenë sfida qendrore për politikën dhe ekonominë e Republikës së Kosovës”, thuhet në përgjigje.
Deputetët e majtë ishin të interesuar nëse autoritetet gjermane në heshtje ranë dakord për të bashkëpunuar me udhëheqësit e Kosovës si Hashim Thaçi, i cili njëzet vjet pas luftës u akuzua për krime lufte, shkruan DW.
Ata thonë se pas zgjedhjeve në Kosovë në 2001, ata bashkëpunuan me përfaqësuesit e zgjedhur, por gjithmonë theksuan rëndësinë e sqarimit të krimeve të luftës.
Në përgjigjen e Qeverisë thuhet se puna e Tribunalit të Hagës, Gjykatës Speciale dhe Prokurorisë së Specializuar, e cila ndihmohet “financiarisht dhe brenda kornizës së ndihmës juridike”, gjithashtu ishte mbështetur.
“Për më tepër, qeveria federale dërgoi tre punonjës në Gjykatën Speciale të Kosovës dhe Zyrën e Prokurorit të Specializuar”.
“Qeveria gjermane mban një pjesë të përgjegjësisë”
Sipas Sevim Dagdelen, një deputete nga e majta gjermane që bëri hetimin, akuzat ndaj Hashim Thaçit dhe “strukturave të tij mafioze” janë “injoruar dhe mbuluar” për vite me radhë.
Dagdelen citon gjetjet e Raportuesit Special të Këshillit të Evropës, Dick Marty, ish-prokurores së gjykatës së Hagës, Carla del Ponte, por edhe shërbimin e inteligjencës gjermane BND, i cili në 2005 i lidhi udhëheqësit e Kosovës me krim të organizuar. Ai raport u zbulua plotësisht përmes botimeve të Ëikileaks.
“Qeveria gjermane mban një pjesë të përgjegjësisë që krimet e rënda në Kosovë kanë mbetur pa u ndëshkuar deri më sot dhe se korrupsioni është ende në lulëzim”, i tha Dagdelen DË.
Përgjigjet për disa pyetje të së majtës nuk u transmetuan sepse ato klasifikohen si “sekrete” dhe përfshijnë njohuritë e shërbimeve gjermane. Për shembull, a ka Berlini informacion se njerëzit nga SHIK-u janë akoma në krye të inteligjencës së Kosovës sot? Dhe, a kanë shërbimet sekrete të Kosovës gjithashtu ndikim në UNMIK, EULEX ose KFOR në mënyrë që të minojnë hetimet kundër Thaçit dhe të tjerëve?
“Komandantët e UÇK-së u gjykuan si aleatë në luftën e paligjshme të vitit 1999 dhe u mbështetën gjatë rrugës për në pozicionet më të larta në politikë dhe shërbimet sekrete” kritikon Dagdelen. “Nuk është çudi që qeveria gjermane i mban të fshehta lidhjet e saj të errëta me Kosovën”.
Të tjera
-
UP-ja pezullon nga puna profesorin Xhevat Krasniqi
Rektori i UP-së mori vendim për pezullimin nga puna të profesorit Xhevat Kras...
-
Dy shtëpi, banesë e tokë.., këto dhe shumë të tjera janë pasuritë mbi 500 mijë euro të Lumir Abdixhikut
Hiq më pak se 555 mijë euro pasuri numëron i pari i Lidhjes Demokratike të Ko...
-
Dhuña ndaj grave, raporti i DASH kritikon Qeverinë dhe gjykatat për dënime të lehta
Në raportin e Departamentit të Shtetit për të Drejtat e Njeriut për vitin 202...
-
Mësohet identiteti i 25-vjeçarit nga Kosova që vd*q tragjikisht në Itali
Një ditë më parë mediat kanë raportuar për vdekjen e një 25-vjeçari shqiptar ...
-
Lajçak shkruan për “çështjen e dinarit”: U ngushtua hendeku mes palëve, pres propozime në takimin tjetër
Emisari i BE-së, Miroslav Lajçak, ka bërë përmbledhjen rutinë të një jave pun...
-
“Baba i kriptovalutave”, kjo është pasuria gjysmë milionëshe e liderit të PDK-së, Memli Krasniqi
I pari i Partisë Demokratike të Kosovës, Memli Krasniqi këtë vit ka arritur t...
-
Qeveria mban mbledhje elektronike, merr dy vendime
Qeveria e Republikës së Kosovës ka zhvilluar sot mbledhje elektronike, në të ...
-
Joseph: Osmani e mundi Vuçiqin në Këshill të Sigurimit
Profesori i Universitetit `Johns Hopkins` në SHBA, Edward Joseph, për mbledhj...
-
Këshilli i Etikës merr vendimin për profesorin Xhevat Krasniqi
Këshilli i Etikës i Universitetit të Prishtinës “Hasan Prishtina” ka marrë ve...
-
Ramiz Qeriqi thotë se gjatë kohës së luftës i ka raportuar Fatmir Limajt dhe jo Rexhep Selimit
Dëshmitari Ramiz Qeriqi tha se gjatë kohës së luftës kur ka shërbyer në Krojm...
-
PE voton për liberalizimin e vizave për kosovarët që mbajnë pasaporta serbe
Parlamenti Evropian ka votuar të martën në favor të liberalizimit të vizave p...
-
LDK për raportin e DASH për Kosovën: I dha vulë paaftësisë së Qeverisë dhe korrupsionit
Lidhja Demokratike e Kosovës duke reaguar ndaj raportit të fundit të Departam...