Sipas Qeverisë Gjermane organizatat misionare të Arabisë Saudite janë aktive në Kosovë. Ato po përhapin interpretimin vahabist të islamit që përfaqësohet nga Arabia Saudite, përmes dërgimit në Kosovë të predikuesve.

Qeveria Federale e Gjermanisë ka tërhequr vërejtjen mbi rritjen e ndikimit të islamizmit fundamentalist që vjen nga Arabia Saudite dhe shtetet tjera të Gjirit Persik. Kështu shkruan gazeta “Die Welt” në botimin e sotëm, duke iu referuar përgjigjes që Qeveria i ka dhënë një pyetjeje të bërë në parlament nga deputetja Sevim Dagdelen e partisë “Die Linke” (Partia e të majtës). Politikania në fjalë (me prejardhje turke) e quan Kosovën “Qendër të terrorit në regjion”, transmeton albinfo.ch.

Partia që përfaqëson ajo, duhet përkujtuar, është edhe kundër pavarësisë së Kosovës. Dagdelen ka kritikuar me këtë rast shtetin gjerman. Sipas saj “është skandaloze që falë pranisë së ushtarëve gjermanë, predikuesit sauditë të dhunës dhe urrejtjes po e ndërtojnë të papenguar bazën e tyre”.

-Advertisement-

Sipas Qeverisë Gjermane organizatat misionare të Arabisë Saudite janë aktive në Kosovë, transmeton albinfo.ch. Ato po përhapin interpretimin vahabist të islamit që përfaqësohet nga Arabia Saudite, përmes dërgimit në Kosovë të predikuesve.

Krahas kësaj konstatohet edhe një angazhim i vazhdueshëm në Bashkësinë Islame të Kosovës (BIK)  i donatorëve arabë, si individëve ashtu dhe organizatave joqeveritare ashtu dhe institucioneve shtetërore dhe gjysmështetërore.

Në shumë vende me popullatë myslimane ka prej kohësh ankesa mbi rritjen e ndikimit të Arabisë Saudite dhe shteteve tjera të gjirit. Në mes tjerash, ankesa të tilla ka edhe nga shteti me më së shumti banorë myslimanë, Indonezia.

Më tutje gazeta shkruan edhe për rritjen e ndikimit turk në gjithë Ballkanin Perëndimor, që vihet në lidhje me forcimin e Erdoganit në kreun e Turqisë. Politika e “neootomanizmit” e udhëhequr nga ish ministri i jashtëm dhe pastaj ish kryeministri Davutoglu është përgjegjëse për këtë rritje ndikimi që po vihet re që nga viti 2002, kur ka ardhur në fuqi partia AKP e Erdoganit, thuhet veç tjerash në artikull.

 

 

 

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-