Lajme

Qeveria gjermane dhuron 405 mijë euro donacion për FSK-në

Autori: Gazeta inFokus 11:25 | 13 July 2022

Ministri i Mbrojtjes, Armend Mehaj, ka njoftuar, se Qeveria gjermane ka dhuruar një donacion për FSK-në, në vlerë prej 405 mijë euro, shkruan Gazeta Infokus.

Përmes një njoftimi në “Facebook”, Mehaj ka shkruar se ka pritur me kënaqësi atasheun jorezident gjerman të mbrojtjes së Kosovës, Nënkolonel Franz-Josef Nolte, ku së bashku kanë nënshkruar marrëveshjen e këtij donacionit.

“Falënderim dhe mirënjohje e lartë për Qeverinë gjermane e cila dhuroi donacionin e ri për FSK-në në vlerë prej 405 mijë euro. Sot pata kënaqësinë të pres në takim atasheun jorezident gjerman të mbrojtjes në Kosovë, Nënkolonel Franz-Josef Nolte, ku së bashku me Kolonel Cakajn, nënshkruam Marrëveshjen për Donacion me Republikën Federale te Gjermanisë për dhurimin e kamionëve për auto-shkollën e FSK-së, vlera e së cilit është 405 mijë euro”, ka shkruar Mehaj.

-Advertisement-

Ai po ashtu ka treguar se me këtë rast ka shprehur falënderimin dhe mirënjohjen e lartë për mbështetjen e përhershme të shtetit gjerman për të gjitha të arriturat e deritashme të Ministrisë së Mbrojtjes dhe FSK-së.

“Me këtë rast, i shpreha falënderimin dhe mirënjohjen e lartë për mbështetjen e përhershme të shtetit gjerman për të gjitha të arriturat e deritashme të Ministrisë së Mbrojtjes dhe FSK-së. Vazhdojmë angazhimin në avancimin e mëtejmë të bashkëpunimit bilateral edhe në të ardhmen të nivel të ministrive dhe forcave të të dy vendeve tona”, ka shkruar tutje Mehaj./Gazeta Infokus/