Lajme

Qeveria e Serbisë merret përsëri me Ramush Haradinajn

Autori: Gazeta inFokus 13:44 | 23 Maj 2017

Nuk ka pak ditë kur përfaqësuesit e Listës Srpska vizituan Beogradin për t’u konsultuar me zyrtarët e Qeverisë së “Vuçiqit” për qëndrimin e tyre rreth zgjedhjeve parlamentare të 11 qershorit. Ndonëse në Kosovë do të konkurojnë 6 subjekte serbe, përkrahjen e Beogradit padyshim se do ta ketë partia e Slavko Simiqit.

Ministri i Punës, Aleksandar Vulin deklaroi se shteti serb qartazi është rreshtuar me Listën Serbe. “Ne e shohim atë si mundësi të vetme ndaj kërcenimeve që bënë Ramush Haradinaj dhe sulmeve ndaj qëndrimit unik te serbeve”, ka thënë ai për mediat serbe, transmeton Indeksonline

Ndryshe, kryeministri dhe presidenti ne ardhje, Aleksandar Vuçiq ka pritur kandidatet për deputete te Listës Serbe në Kuvendin e Kosovës. Ata këto zgjedhje i cilësojnë si fatale për popullin serb në Kosovë, apo siç e quajnë ata ende krahina jugore serbe.

-Advertisement-

“Lista serbe si e vetme nuk mund të garantojë se nuk do të formohet ushtria e Kosovës apo për të kryer gjëra të tjera në kurriz të serbëve atje”, u theksua në një konferencë për shtyp në Qeverinë e Serbisë, pas takimit përfaqësues të listës serbe dhe kryeministrit Aleksandar Vuçiç, transmeton Indeksonline.